Turkey Ralkap Nih Syria Cu Misal An Tan Nak Hmun In Chuah Dingah Ral Thawh Than A Tim

Syria ram chung khuapi a si mi hna Ayn alArab khuapi le Al Hasakah khuapi hna cu Kurdish nih Syria kut in a rak chuh hna i a tu tiang in Ayn alArab khuapi le Al Hasakah khuapi hna cu Kurdish pen nak tangah an um.hi konghe pehtlai in Turkish president Recep Tayyip Erdogan nih cun Turkey ralkap hna cu an hriamnam he Syira ram chung meng 35 tluk chungah cun ka ralkap hna nih an duh paoh in an hriamnam he an lut cang lai tiah a chim.

Kurdish penmi Syria ram Hasakah khuapi photo.

Nizan ah khan Turkey ram chung khuapi a si mi ─░stanbul khuapi chungah lakhruak press conference an tuah.cu press conference an tuah nak chungah cun Turkish president Recep Tayyip Erdogan nih Kurdish ram konghe pehtlai in hi ti’n a chim,”Hasaka leh Ayn alArab khuapi hna cu Kurdish kut ah caan saupi a rak um,asinain a tu cu Kurdish kut in Hasaka leh Ayn alArab khuapi hna cu Turkey nih a lak t’han cang lai”tiah a chim.

Turkish president Recep Tayyip Erdogan photo.

Cun, Turkey nih Syria ram chung khuapi a si mi Tell Abiad peng chungah a um mi khua 17 cu a kah t’han i minung tam lak te nih hliamhma an tuar pin ah minung 18 an thi i inn lo tamtuk a rawh piah hna tiah an chim.Turkey nih Tell Abiad peng chungah a um mi khua 17 a kah lio ah hin an mah Syria ralkap pawl hna zong Turkey lei ah an t’ang tiah an chim.

Kurdish penmi Syria ram Ayn alArab khuapi photo.

Turkey le Kurdish ramri ah Kurdistan Workers Party pawl hna zong zuahlo in Turkey nih bomb a thlak chiah hna pin ah Kurdistan pen mi khua Sanliurfa, Mardin, Sirnak, Gaziantep khua pawl hna cu bomb t’ihnung in voi tam tuk an thlak hnawh hna ruangah minung 652 an thi.cu pin ah Kurdish ralkap minung 440 thah an si fawn tiah an chim.

Source:AFP

Author: Salai Ephraim