Tutan kan dothlennak hi mizapi dothlennak a si ti cu kan ifiang dih cio ko lai

Lar nak in santlaih tu itim tuah usi.Tutan kan dothlennak hi mizapi dothlennak a si ti cu kan ifiang dih cio ko lai. Cucaah santlaih cio itim tuah usi tiah sawm le a herh set lo a tuahmi sik kan duh hna.

Kan farle cheukhat, khuachung ah a thli deuh in umthut i mi ngiatlaiu(Spy/Intelligence) caah san a tlaituk ding pawl kha uniform le meithal he hmanthlak i fb ah tar nan hmanmi hi a tha lo. Atu ah khuachungah mingiathlaitu kan herh tikah annih kha training zong a dih san a tlai lai vun ti ah hman ngam phun nan si ti lo.Pa cheukhat zong cu thiam. Raltuk ngamh set lo le riahbuk i chimh a ngai theng lo zong zei ruangah nan huam lo tuk buin ramtang nan um ti ahcun a herh huaha lo nan hmanthlak fb ah nan post tuk caah khuachung ah nan um ngam ti lo.

Nanmah le nanmah nan i phawnghlio cuh!Nu tampi riahbuk bak ah a um i pa bantuk in meithal a tlai zong an um taktak ko. Nain cheukhat cu an si lo, Fb chung ah kan i kyawngia deuh vak rua ka ti. Min Aung Hlaing le a hawile hi Facebook ah an um lo eh a poi tawn ko!CNA ralbawizik Pu Hla Htun i “Popularity in rian va tuan hlah uh” tiah voi hra te a kan cahmi kha kan chuak taktak cang ko! Mi nih maw ka hngal sual hna lai hlah kaw a timi ko a lomi kan tamtuk hi a poi tawn eh!

(Training a dih i hmantlai ding nu fb ah kan khatlulh tung nain khuachungah kutdong khiah zat hmanh kan tan tilo hi…ruah deuh kan hau. Kan ral hi ramtang lawng tein kan doh nak cun ramchung in an chungne a hlat kho tu kan um chih zong a biapi tuk ti philh lo a hau).

Credit:Salai Aung