Tuzan Ah Hakha Um Mindat Tlai Rawl Minung Pali Hna Cu Ralhrangbu Nih An Tlaih Hoi Hna

Hakha Ah Tleirawl Minung 4 An Tlaih Hna.August 7 mui lai hrawng te ah khin Mindat minung tleirawl minung 4 cu Hakha Police nih Hakha ah an tlaih hna i zan nazi 12 tiang an thlah rih hna lo tiah thawng theih a si.Credit: The Green Hill Post

Relchap: Ralhrangbu ramdang vuanci U Wana Maung Lwin nih ASEAN nih Kawlram palai a thim nak kongah EU nih CRPH, NUG le chawnhbiaknak ngei dingin a ti mi cu kan cohlang kho lo tiah a chim.Mah bia hi Nizan August 6 ah tuah mi ASEAN le EU ramdang vuanci hna online meetingah a chim mi a si.U Wana Maung Lwin nih covid-19 dohnak kong le ASEAN ram hna nih covid-19 ruangah harsatnak kan ton tuk lo nak dingah EU bawmhnak cungah lunglawmhnak kan ngei.

ASEAN nih Kawlram palai an thimnak kong he pehtlaih in EU a si lo ah ramdang hna zong nih ASEAN hnatlaknak 5 le ralhrangbu nih a tinhmi rian 5 cungah thazaang pek ding le mah lengin hmalaknak a um a si ahcun ASEAN palai le Kawlram caah santlaihnak a um lai lo.EU chimnak nawlngeitu nih ASEAN palai cu Kawlram buainak he a pehtlaihmi phu hna le ralhrangbu ah kan thanh cia mi CRPH, NUG le a kuttang phu hna he chawnh ding a ti mi cu zeitik hmanh cohlan khawh ding a si lo. ASEAN hnatlaknak 5 a buar mi a si.

Sullam a ngei mi ramkhel kong (meaningful political dialogue) kan tuah ding ahcun ralhrangbu ah thanh cang mi phu, NGO le phungninglo bu hna an i tel ding a si lo. Mah hi remdaihnak kalpi ning a si lo.Kanmah nih tinhmi 5 tha tein kan kalpi khawhnak ding, democracy lam ah kan kal than khawhnak dingah EU nih an kan bawmh ding a si.Mipi harsat bawmhnak zong ASEAN Coordinating Centre for Humanitarian Assistance on Disaster Management – AHA Centre he kan tuanti lai tiah a chim.

European Union nih Ralhrangbu nih uknak a lak hnuah zei uknak bu hmanh kan cohlang lo. ASEAN hnatlaknak 5 ningin Kawlram buainak silhnalh khawhnak dingah cun CRPH, NUG telin Kawlram buainak he a pehtlaihmi bu vialte he chawnhbiaknak ah an i tel ding a si.Ralhrangbu nih uknak a lak hnuah a tlaih mi vialte thlah ding le mipi harsat bawmhnak zong a herh taktak mi hna sin ah him tein a phak khawhnak dingah ralhrangbu nih aamah an khan ding a si tiah August 4 ah cathanh an chuah.

Meeiting ah EU nih ASEAN common statement a rel mi kong he pehtlaih in ralhrangbu vuanci nih ram pakhat kong lawng an i tel ding a si lo. ASEAN hnatlaknak cahmai 27 nak ah Kawlram si ning a tel mi le Kawlram cu pehtlaihnak a ngei lo.Kan cohlang kho lo tiah a chim tiin ralhrangbu ramdang pehtlaihnak zung nih a tial.

Source: Ministry of foreign affairs Myanmar