Tuzan Chinram Khualipi Hakha Khuapi Chung Puahkhehnak Thawngpang Thar Update

Hakha khua ah meithal le bomb pehtlai in a puak than.Hakha khua ah tu zaan suimilaam 11:20 hrawng in bomb le meithal thawng pehtlai in a thang than. Puah keh thawng a thannak hi Hakhathar lei deuh in theih a si i, bomb puah thawng voi 15 hrawng theih a si.

“Kanmah Hakhathar lei ah a si ko. Inn leng ah kan chuak ngam lo i a zawn tak cu ka chim kho lo nain minister pawl umnak hrawng si dawh a si. A puah thawng a thang tuk i a kan tlerh dih ko,” tiah Hakhathar sangmi pakhat nih The Hakha Post ah a chim.

Hakhathar Lungphun tlang zong ah bomb voi thum a puak tiah theih a si nain kan fehter kho rih lo. SAC ralkap pawl nih lau lung le zawndamh in kah mi a si kho ti in a chim mi zong an um.Meithal kuan le bomb ruang ah aa hliam mi le a rawk mi an um le um lo theih a si rih lo. Atu, hi thawng kan tial lio zaan suimilaam 11:50 hrawng ah cun puahkeh thawng a dai.

Credit: The Hakha Post

Author: Salai Ephraim