Tuzan Hakha khua ah meithal thawng pehtlai in a thang than

Hakha khua ah meithal thawng pehtlai in a thang than.September 14| Hakha khua hmun tam nawn ah 8:30 in atu 9:15 PM tiang bomb asiloah meithal puah thawng pehtlai in a thang than.

“A puahka ahcun Chin Oo Sii le Dawrthar hrawng in a si. Cun, SAC ralkap umnak Rungtlang (266) le Khuathar zong ah a puak thluahmah than. Meithal thawng cu a fiang. Cun, bomb thawng zong aa tel ko. Bomb an puahchih ko lai dah,” tiah khuami nih The Hakha Times ah an chim cio.

Nihin September 14 zaanlei tekhan Hakha Zungkipfonh (Suhpawng zung) hrawng ah SAC ralkap an khat cang, tiah kan theih. Nizaan nai zaanlai ah puahkehnak siseh, Hakha Khuathar ah mi tlaihkhihnak siseh, SAC nih an tuah cuahmah.

Credit: Laica+The Hakha Times