Tuzan Hakha Khuapi Chungah Mino Sawmli An Tlaih Hna Pin Ah Bomb Le Meithal Thawng A Thang

Chinram kulh khualipi Hakha khuapi chungah zanfa tin mino an tlaih cuahmah hna.tuzan zong ralhrang pawl hna nih Hakha khuapi chung hmun kip ah inn an check pin ah khua lak ai chawk mi hna mipi kherhlainak an tuah i mino minung 40 renglo bak an tlaih t’han hna i thonginn ah an kal pi hna tiah theih a si.

Cun, zahan zan zongah tuzan bantuk thiam in ralhrang pawl nih khuathar le Pyidawta hrawngah minung 30 renglo an tlaih hna i cu hna lak ah Tar pakhat le hngakchia kum tlinglo pakhat an i tel chih tiah theih a si.khuachungah bom le meithal an puah i mipi hna caah cun tuar har ngaingai tiah theih a si.

 

Relchap: CNF Spokesman: CNA ralbawi pakhat nih Pi Ca Tial akut ah meithal a khensual mi cu Ralkap phung in action lak ding in kan auh cang, kan Pi zong kan nawl lai.October 3 zing 8:30 AM tluk, Falam Peng Thipcang khuami Pi Ca Tial cu CNA ralbawi pakhat nih akut ah meithal in a khensual mi kong ah

Ralkap phung in dantat ding ah kan auh cang i kan Pi Ca Tial zong kan nawl lai, tiah CNF Chimnak Nawlngeitu Salai Htet Ni nih The Hakha Times ah a fianter.”Sual huahtu cu kan tlaih cang i atu hi dantat ding ah kan auh cang. Ralkap nih zulhphung, dun le dan (Army Law) kan ngeih bantuk in action kan lak (dantat) colh ko lai.

Kan Pi zong a si khawh chung in kan nawl lai,” tiah CNF Chimnak Nawlngeitu Salai Htet Ni nih The Hakha Times ah a chim.

Pi Ca Tial cu CNA ralbawi pakhat nih thil a suuk lio, akehlei kut ah a khensual i a tithawl zong a kuai dih. Amah hi October 2 tekhan zu a ri i a kuttang minung zong a velh len hna, tiah min langhter lo mi pakhat nih a facebook cahmai ah a tial.

 

Credit: The Hakha Times

Author: Salai Ephraim