Tuzan Hakha Khuapi Cu A Thir In A Kan Thirh Ko

Hakha ah pehtlai in meithal le bomb thawng a thang than.Ahmun belte an theih ning aa dang cio i, “Taungzalat lam, Zion Biakinn chak le thlang hrawng ah a si ko rua,” tiah an chim.Hi meithal le bomb thawng hi September 20 zaanlei hrawng khan theih a si pah cang i atu September 21 zing 12:25 AM tiang (ca kan tial tiang) a thawng theih a si rih tiah The Hakha Times nih a langhter.

Relchap: Kan zeizong in ralhrang kan doh caan si.Atu lio Caan tal ahhin kan kan khuaram i kan tuarning kong Ruat in kan lung a fah i kan thi a linh cio hrim ding si.Kan lungfah i kan thi a linh lio tal ahhin phuhlamnak ca le kan mipi sahrang kut ah an nunnak a liam nakhnga lo kan thazaang, fimnak le chawva in kan runven Caan a si.

Ramdang ummi nih cun zeitluk kan fimthiam zong ah hi dothlennak ah kan itel ve khawhnak ding lam cu chawva in kan pasalttha pawl dirkamh lawng hi a si ko. Cucu pakhat cio kan rian si i kan itel ve lo ahcun teinak puanzar kan taar tikah kan hawidang mithmai kan khap te lai lo.

Ram le miphun caah Nunnak le innlo hmanh a pe cuahmahmi um na lak ah kan chawva zeimawzat tak kan sian lo ahcun ram kan dawt zong hi lih a si ko hnga.Cucaah kan chawva siang ngai in kan pasalttha pawl dirkamh cio rih ko hna usih.

Van Cin Mang
Treasurer (GTRO)
Contact: 5183129612 (Zelle in phaisa kuatnak)
Credit: Van Cin Mang

Author: Salai Ephraim