Tuzan Hakha Ralhrang Nih Inn An Khang Mi Hi A Dih Lak Ah Inn Li A Ciam Dih

Tuzan, Zaan 8:45 PM hrawng in Pu Lal Lian Thang inn cu a kaang, innpa inn 4 hrawng a tlaih i an ciam, suimilaam 2 tluk a rauh hnu 11:00PM lawng ah Meithat motor le minung nih an phalh cuahmah tiah kan theih.“Puahkehnak lawngte a si caah kan kal ngam lo. Anmah SAC ralkap lei kan chimhchawnh hna hnu ah ka kal kho i atu hi kan phalh cuahmah.

Inn kaang mi hi hiti zoh ahcun inn 2 a si. Nain inn aa naih tete a si ahcun in 3 or inn 4 cu a si ko lai. Pawngkam ah ahohmanh hal awk an um lo i fiang in kan thei kho rih lo. Meithat mitor 3 le minung 13 nih kan phalh cuahmah,” tiah Hakha Meithat Zunh tuanvo ngeitu pakhat nih The Hakha Times ah a cihm.

Hi kong ah Sangmi upa pahnih hna nih, “Zeiton hen kan ton. Meithat motor le minung an ra kho lehlam i aa ning deuh cang lai. Kan mit nih a hmuh ko. Kan hna nih a theih ko. Asinain innlengpar hmanh kan laam ngam in kan chuak kho fawn lo.Laimi kan nunphung ah innpa chakthlang i zuanhnawhnak lungput vialte kan thei in kan hngalh ko bu ah kan i zuanhnawh khawh lo a fah hi cu mu…,” tiin The Hakha Times ah an chim.

Tuzaan Hakha inn kaang hi inn zeizat set a kaang ti a fian rih lo bantuk in thilri zeizat man dah a kaang ti zong atu ca kan tial tiang ah a fiang kho rih lo.

Credit: Laica+The Hakha Times

Author: Salai Ephraim