Tuzan Tiang Thantlang Khuapi Ralhrangbu Timhtuah Ning Le An Cawlcangh Thawngpang

August 20.2021 zalei sangah Hakha in Thantlang lei a rak panh mi ralhrangbu hna cu lampi ah Thantlang CDF nih an rak kahdoh hna i suimilam zei maw zat chung an i kap tiah khua mi hna nih an chim.asinain nizan an i kahdoh nak ruangah kap hnih lei in hliamtuar mi le mithi an um le um lo mi zei hmanh nih theih khawh a si rih lo.

August 21.2021 tuzing suimilam 9am ah Thantlang CDF le ralhrangbu hna cu hmun pakhat ah an i kap t’han tiah theih a si.cu pin ah tuzing suimilam 9am hrawng in Thantlang khuapi chungum ralhrang pawl nih bomb le meithal heh tiah an puah i khua mipi cheu khat hna thinphang in an um tiah khuami nih an chim.

Tuzanlei sangin Hakha um ralhrangbu tam lak te cu an motor he an hriamnam tling in Thantlang khuapi chungah a rak phanh caah khuami hna leng chuah vak i ralrin ding tiah theihternak thawngpang zong an tuah chap.

Hakha um ralhrangbu pawl hna a tu bantuk in Thantlang khuapi chungah a rak ra mi hna hi Thantlang kiangkap ah i kahdoh nak a chuah ruangah a si lai tiah ruah domh cio a si.mipi chuah vah ah i ralrin khun ding a si. ralhrangbu an cawlcangh deuh paoh ah Dalaan an cawlcangh ve caah kiangkap bih zoh cio a hau tiah khuami pakhat nih a chim.