Tuzan Tlai Hnu In Ralhrang Nih Hakha Khua Chung Le Kiangkap Ah Drone Tam Nawn An Thlah

Nihin,tuzan zan hakha cu drone tam ngai te an thlah Zan nazi 9:00 in an thlah an vak len rih ko hna Ralring tein um cio ko uh Zanah minung a hmu kho mi an si men lai
Amah tak cu hman kan thla kho lo a hlat ngai caah Kan phone nih a chei lo.Make Great Our Chinland

Nihin Hakha ah SAC helicopter voi 2 a phan.September 3, 1:00 PM le 2:50 PM ah tiin voi hnih a phan.Hi helicopter hi COVID-19 vaccine a phur mi le bank tangka a phur mi a si kho men, tiah an zumh.Nizaan naihrawng hi Kalay, Falam, Hakha le Thlanglei Chinram ah SAC helicopter a phan pah lengmang tiah kan theih.

Relchap: Chin ramkulh, Palatwah peng Sami ah ralhrang phu hna nih lam an phih caah eidin ngeilo in kan um cang lai tiah khuami hna nih an chim.Sami khua ahhin minung 50000 hrawng an um, ralhrang phu kar le AA kar kahdohnak ruangah ralzaam dirhmun in riahbuk ah a ummi minung 5000 hrawng an umnak khua zong a si.

“Sami khua nih hin zeilei poh ah Matupi hi kan i bochan hna, atu Mindat ah kahdohnak a chuah caah , Pakokko-Mindat-Matupi lam cu hman a ngah lo. Pakokko- Gangaw-Razua lei kal a ngah rih ko. Atu ah lam phih a si caah eidin herhhai an dih cang lai, phaisa um zongah cawk ding a um lai lo” tiah Sami khuami pakhat nih a chim.A luancia August thla in Sami lei kalnak lam hna cu an phih hi a si.

“Facang tunkhat ah 35000 in cawk tawn mi cu 70000 hmanh in cawkkhawh a si lo, datsii liter pakhat ah 1000 in cawk tawn mi a tu ah 3500 a si cang, cu zong cu caan tlawmpal cun a dih ding an si cang.Ralzaam dirhmun in riahbuk ummi hna cu WFP nih bawmhnak an pek hna caah atu tiang cu an tlam tling rih” tiah khuami pakhat nih a chim.

 

Sami khua cu Palatwah peng he meng 39 a hlat nak hmun a si, cu ka lam cu ralhrang phu hna nih gate chia in umkal an phih caah ,meng tamtuk a hlat nak Pakokko-Mindat-Matupi -Sami lam in an um kal na in, a tu ah cun cu an hman mi lam zong in cun umkal a har cang tiah theih a si.

Source: Mizzima ( TCP )