Tuzan Tlai Hnu In Tahan Khuapi Le A Kiangkap Cu Bomb Le Meithal Thawngpang Tihnung A Si

Mungku Ah Ralhrang Le MNDAA An I Kap.Shan ramkulh thlanglei Muse peng,Mungku khuapi pawng Mansai khua le Namhai khua karah ralhrang le MNDAA cu July 21 zinglei suimilam 11 ah an i kap.Namhai khua ah ralhrang nih Khah-Mah-Yiah 315 le Khah-Lah-Yiah 29 fonhin umhmun an khuar caah MNDAAA nih an kahnak hna hi a si.July 20 zan suimilam 9 hrawngah Kawngvuan khua pawng ah ralhrang rallokap mawtaw in thilri le minung thazaang chap in a phurmi cu MNDAA nih an kah hna i ralhrang lei in hliammi an tam tiah theih a si.

People’s Defence Force (Kalay) Le Rallokap I Kahnak Ah Rallokap 2 An Thi.Tuzaan suimilam 8 hrawngah Kalaymyo Tahan veng Neykyiartaih( ေနၾကာတိုက္) le Wesley sii-inn lam kar Bogyoke lam cungah ralhrang rallokap umhmun khuarnak cu PDF-Kalay nih an kah hna,I kahnak ah ralhrang rallokap lei in a tlawmbik 2 an thi,PDF-Kalay lei hliammi an um lo.

kalaymyo ah nihin zaan suimilam 8:00 hrawng ah PDF le Rallokap Kar Kahdohnak A Chuak Kalaymyo,Tahan Naygyiateih( ေနၾကာတိုက္) pawng ah nihin zaan suimilam 8:00 hrawng ah ralhrang rallokap phu hna le PDF-Kalay kar ah kahdohnak a chuak.

“Atu an i kap lio (ေနၾကာတိုက္) lei Batany(ေဗသနိ) sii khan lam ah an i kap, hliam tuar mi kong ah theih khawh a si rih lo, rallokap nih um hmun an khuar nak a si ” tiah khua mi pakhat nih a chim.Atu Kahdohnak a chuah ruang ah ralhrang rallokap hna nih Tahan veng chung ah zohfel nak an ngei tiah theih a si.

Credit: The Chin Post

Author: Salai Ephraim