Tuzing Ah CNA Le PDF Nih I Bawm In Ralhrang Sawmthum An Thah Khawh Hna

Hriamngan hna he thazaang tampi hmang in raltu ding ah a rak ra mi ralhrang phu hna cu nizaan October 1 zing Suimilam 10 hrawng ah Gan Gaw  Kalay lam hmun pakhat ah PDF GanGaw,CNA le pawngkam mizapi ralkap hna i bawm in bomb in kan puah hna tiah PDF GanGaw nih a thanh.

Hi kahdohnak ah ralhrang 30 hrawng an thi i a hliam mi an tam tiah an langhter. Ralhrang lei in hriamngan hna in an kah hna nain mizapi ralkap lei inhliam mi um lo tein kan kir than ko tiah an thanh.

Naypyidaw ah ralhrang nih tlaih in an hremnak ah a thi mi Ko Yan Paing ruak vui a si cang.Ralhrang nih tlaih in faktuk in an hrem caah hliam fak tuk a tuar i siizung ah tlop a si mi sianghleirun siangngakchia Ko Ya Paing cu October 2 zing Suimilam 8 :30 ah vui a si cang.

 

Ko Yan Paing cu October 1 zingah Naypyidaw ihkhun 1000 siizung ah ralhrang nih fak tuk in an hrem ruang ah a hliamhma tuar khawh lo in a nunnak a liam.Ko Yan Paing cu May 2 chung suimilam 1:00 ah Pinemana peng chung ah ralhrang nih an tlaih i faktuk in an tuk an hrem.An hremnak ruangah lungfim lo in a um.A ke le a kut cu am tuk nak ah a kiak chunglei he leng lei he hliam hma in a khat caah siizung ah a um i a hliam hma a tuar khawh lo caah a nunnak a liam.

Credit: Khit Thit Media

Author: Salai Ephraim