Tuzing CDF Le Ralhrang Kahdohnak In Pasal Tha Pakhat Nunnak A Liam

CDF-Mindat in Mino Pakhat a Nunnak a Liam. Nihin zinglei sml. 6:30 hrawng ah CDF-Mindat chungtel pathum nih bomb an tarh lio ah a puak sual i kum 20 hrawng a simi mino pakhat a nunnak a liam.

“Bomb an tarh lio ah a puak. A hmun ah mino pakhat a nunnak a liam i, a dang pahnih hliamhma an pu,” tiah CDF-Mindat chungtel pakhat nih a chim. September 3 tiang ah CDF-Mindat in minung 33 nih ram le miphun ca ah an nunnak an pek cang.The Chin Journal

 

Relchap: Chin ramkulh, Palatwah peng Sami ah ralhrang phu hna nih lam an phih caah eidin ngeilo in kan um cang lai tiah khuami hna nih an chim.Sami khua ahhin minung 50000 hrawng an um, ralhrang phu kar le AA kar kahdohnak ruangah ralzaam dirhmun in riahbuk ah a ummi minung 5000 hrawng an umnak khua zong a si.

“Sami khua nih hin zeilei poh ah Matupi hi kan i bochan hna, atu Mindat ah kahdohnak a chuah caah , Pakokko-Mindat-Matupi lam cu hman a ngah lo. Pakokko- Gangaw-Razua lei kal a ngah rih ko. Atu ah lam phih a si caah eidin herhhai an dih cang lai, phaisa um zongah cawk ding a um lai lo” tiah Sami khuami pakhat nih a chim.A luancia August thla in Sami lei kalnak lam hna cu an phih hi a si.

“Facang tunkhat ah 35000 in cawk tawn mi cu 70000 hmanh in cawkkhawh a si lo, datsii liter pakhat ah 1000 in cawk tawn mi a tu ah 3500 a si cang, cu zong cu caan tlawmpal cun a dih ding an si cang.Ralzaam dirhmun in riahbuk ummi hna cu WFP nih bawmhnak an pek hna caah atu tiang cu an tlam tling rih” tiah khuami pakhat nih a chim.

 

Sami khua cu Palatwah peng he meng 39 a hlat nak hmun a si, cu ka lam cu ralhrang phu hna nih gate chia in umkal an phih caah ,meng tamtuk a hlat nak Pakokko-Mindat-Matupi -Sami lam in an um kal na in, a tu ah cun cu an hman mi lam zong in cun umkal a har cang tiah theih a si.

Source: Mizzima ( TCP )