Tuzing Sui Thantlang Lansung I Kaohdohnak Ah Ralhrang Pahnih An Thi

Tuzing Chinram kulh khuapi pakhat a si mi Sui Thantlang khuapi chung (Lan-sung) bak ah CDF-Thantlang le ralhrang i kahdohnak a chuak.kan theih khawh tawk vialte cun tuchun i kahdohnak ah ralhrang 2 cu tual lai bak ah umhmun in an hrilh hna tiah theih a si.

Amahbelte tuchun Thantlang khuapi chung i kahdohnak ruangah CDF-Thantlang lei hliamtuar mi le mithi an um le um lo theih khawh a si lo.ralhrang pawl midang hliam a tuar mi le mithi kongah mipi nih mit in kan hmuh khawh mi a dang cu a um lo pahnih a thi mi lawng an si tiah an chim.

 

Relchap: China Communist Party sawmmi biaruahnak ah NLD le USDP an kai lai. China Communist Party hruainak in 2021 September 9 i tuah dingmi ramkheel party ton biaruahnak ah Myanmar ram in NLD le USDP party an kai lai tiah theih a si.

Hi ton biaruah nak ahhin, “Ramkheel party hna i fonh khawh ding kongkau le tuahser nak in thanchonak lei ah zeitindah a kal khawh lai,” timi tlangtar in bia an i ruah lai. Hi biaruahnak hi Online in Vitual Meeting in an tuah lai.

Hi biaruahnak ah China lei nih Myanmar ram in ramkheel party ngan 4 an sawm hna i NLD le USDP hi kai an i timh a si.

Hi biaruahnak ah an kai ding kong he pehtlai in USDP party chimphuannak nawl ngeitu Dr. Nanda Hla Myint nih, “Kan nih party in cun party chung in mino lei thanchonak committee in lutlai changtu Dr. Thant Zaw Lwin a kai lai,” tiah a fb cahmai ah a langhter.

Credit:The Hakha Post