Tuzing Thantlang Khuapi Chung Kahdohnak A Fak Kaphnih Mithil Le Dirhmun Fianternak

Tuzing, Thantlang ikahnak ah CDF-Thantlang in pakhat a nunnak a liam i pakhat hliamhma apu. Cun, CNA Sergent (sen 3) hliamhma a pu ve. Kachin in commando training a dihmi, bochan taktakmi asi. Nunnak a pemi pasaltha upatnak kan pek, taantakmi chungkhar Bawipa nih hnemh hram ko hna seh.Hliamhma a tuarmi hna an dam zaunak lai thlacam bawm cio hna usih!Ralhrang lei hi thi le hliam an tam pah lai tiah zumh asi tiah Salai William HC nih a mah fb cahmai ah a tar langh.

Relchap: NUG Le PDF Pawl Cawlcanghnak Kong Cu Thawngpang A Chuahpi Kho Lomi Palek Pawl Cu Raltuknak Hmunah Kalter An Si Lai Tiah SAC Ralhrang Nih A Phuan! Mon ramkulh ah National United Government (NUG) he pehtlaihnak a ngeimi hna le PDF pawl cawlcanghnak kong thawngpang a pe kho lomi palek paohpaoh cu raltuknak hmaisuang ah kalter an si cang lai tiah SAC ralhrang nih a phuan tiah palek he niahniammi nih an chim.

NUG cozah he aa pehtlaitu, bawmnak a petu hna telh in mipi runvengtu PDF hna i cawlcanghnak le tlaihkhihnak kong cu pawngkam ah a ummi palek sakhan hna nih zarhkhat ah a tlawm bik case-1 cu peng kipah nan chuahpi lai tiah SAC ralhrang ralbawi nih nawl an pek hna hi a si.Cu bantukin report a pe kho lomi palek sakhan in riantuantu hna paohpaoh cu SAC ralhrang leikap nih hmun dangah thial ding, raltuknak hmaisuang ah kalter ding nan si lai tiah nawl an kan pek tiah palek he niahniammi hna nih an chim.

SAC ralhrang ralkap nih nawlngeihnak a laak hnuin palek cungah namnehnak le duh paoh in rianfialnak a tam ngaingai pinah thil pakhat khat a cang sualmi a um zongah palek pawl cu mawhchiat an tong tiah theih a si.Cupinah anmahle umnak palek sakhan ah bomb a puah caan le SAC ralhrang ralkap sinah thawngpang petu dalan thah an ton zongah SAC ralhrang ralkap bawi pawl nih palek tuanvo ngeitu hna cu fak tukin an mawhchiat hna tiah theih a si.

Mon ramkulh chungah cun SAC ralhrang ralkap nih nawlngeihnak a laak hnuin palek cheukhat hna cu kahdohnak a zualnak hmun Sagiang ramthen Chin ramkulh, Sagaing le Kaya ramkulh leiah an kalter hna tiah theih a si.

Ref: Than Lwin Times

Author: Salai Ephraim