Tuzingah CCPR Zungah A Um Mi Salai Van Ceu Thawng Le Dr. Ngun Cung Lian Cu Hakha Clinic An An Tlaih Hna

CCPR Zung ah Salai Van Ceu Thawng Ralkap nih an Tlaih.Nihin zinglei sml. 9:00 ah Chin Center for Peace and Reconcilation (CCPR) zung ralkap nih an luh hnawh i zung rianttuan Salai Van Ceu Thawng an tlaih.tiah The Chin Journal nih a langhter.

 

 

 

Dr. Ngun Cung Lian ralkap nih Hakha Clinic ah an tlaih. Atu hi mino nih 266 ralkap sakhaan ah an kal hnawh hna. Dr. Biak Cung Lian tlaih an timh mi a si nain minung kan i palh ca ah kan thlah than lai tiah an chim. An thlah hlan lo hngak ding in mino nih an timh.tiah The Hakha Times nih a langhter.

 

 

Relchap: Kalay University of Computer Studies ah Headmistress (ကျောင်းအုပ်ဆရာမကြီး) Dr. Ngun Hnem cu tuchun tiang CDM a tuah duh bak lo ruangah a ca chimh mi a siahngakchia hna nih fak taktak in ca an kuat tiah theih a si.a siahngakchia hna nih ca an kuat mi mah tin a si.Student Union hna nih voi tampi phone kan in chawnh i na duh can paoh ah kan phone na tlaih! phone na tlaih paoh ah CDM tuah dingin kan in sawm peng na in na duh loh.

 

 

Cun, nang mah Dr. Ngun Hnem cu CDM na tuah duh lo hlei ah Kalay ah ralkap duh lo nak a langhtertu CDM tuahtu hna micheu cu sandahpiah lo ding in le Zung rian kaiter in ralkap rian t’uan na fial rih hna,na mit hmuh le kut tawngah Ralkap le Palek hna hriamnam in hliam a tuar mi hna cu na kutsih bu in na zoh sawhsawh khawh rih hna,Mipi a thattu Ralkap le Palek hna cu Sianginn ah hmunkhuar dingin na cohlan rih.

 

 

 

Cu thil na tuah mi cu na miphun zuar in khupbil in ralkap ke-dil na liah a si.nan thil tuah mi kongah khuaruahhar tuk awk nan um loh.Kalay Computer university cu ca cawngmi siahngakchia hna caah ser le sak a si bantuk in, na chimh cawnpiak mi Siahngakchia hna a thattu ralkap le palek cu na humhim hna caah Kalay Computer university pi cu mifir damiah um nak hmun ah na ser cang.

 

 

 

Cucaah student union nih an in chimhhrin nak le sawm nak aw-ka cu zei ha na rel hlei lo a si ah cun chia t’ha thleidang kholo mi Sianghleirun ca chim,lak awk a tlak lo mi minung ah Myanmar student union a hmunh chung paoh cu record ah kan in chin chiah cam cin cang lai tiah Ca an kuat.

Credit: Chin World