CNBC an rak dirhnak tuanbia tawi.Vawlei cung mission rian t’uan nak kan zoh tik ah missionary pawl hna zong nih an rian t’uan nak konghe pehtlai in buaibainak tampi an tong.cu ve bantuk in mission rian t’uan nak ah harsatnak a tongmi hna kongah an harsat nak bawmchan khotu siding in in an caah bawmchantu t’ha si khawh nak ding caah council meeting kan rak tuah tawn.kan chin mi khrihfa pawl hna zong nih Thlarau tlau tleih khawh nak ding caag missionary kan thlah cio hna.asinain mission kan thlah hna nak hmun ah buaibainak tampi an tong.mission kan thlah mi hna zong an thla hlawh an i khat cio hna lo.cu tik ah mission rian t’uantu hna zong an mah le an mah karlak ah buaibai nak le i entai nak thil a phunphun in a chuak.
Hi harsatnak konghe pehtlai in CBC USA t’hit hruainak in Yangon khawpi ah 2016 November 2 in 4 tiang mission rian t’uan nak kongah i ceih hmai t’inak kan rak ngei cang.cu lio ah cun rian t’uantu rinhchan a tlak lai ti mi minung 7 kan rak thim hna. 2017 kum September 21 in 23 chungah Australia khuapi Melbourne ah, Chin Christian hna nih a phunphun in mission rian kan rak t’uan i,kan rian t’uan nak chungah harsatnak kan ton mi vialte hna cu zei tin dah kan cinfel khawh lai tiah i ceihti nak zong kan ngei.
2018 July 10 ah international level in Chin mi lak ah hruaitu kan Pa le minung 25 hna nih Indianapolis, CBCNA Headquarter ah ton biaruahnak an rak nagei t’han.cu tik ah Chin mi hna nih mission rian kan t’uan nak ah hmual ngei deuh in rian kan t’uan khawh t’han nak hnga ding caah cun a thar in Organizing Committee pakhat khat dirh t’han si ko seh tiah an rak ceih tik ah Organizing Committee cu an rak dirh cawlh.cu an dirh mi Organizing Committee ah cun Yangon, Falam Baptist Church in committee minung 11 le midang deuh minung 6 hna nih United Chin Mission Network (UCMN) timi Mission cu an vun dirh.
UCMN Vision & Mission:UCMN nih a timh bik mi hna cu Chin miphun hna nih mission rian kan t’uan nak ah harsat nakchuak tawn mi hna hi zei tin dah kan tawlrel lai.lungrual tein mission rian hi zei tin dah kan t’uan khawh lai. missionary rian a t’uan cuahmah mi hna nih harsat nak an tongmi cinfel piak khawh le mission thlah a duh mi hna nih rian t’uantu le mission thlah a duhmi hna karlak ah pehtleihnak t’ha tein ngeih piak khawh ding le kawlram chungah mission karhter dingin timh mi cu a si.
UCMN Mission Conference cu sunglawi taktak in ni 2 chung bak tuah a si.hi UCMN Mission Conference ah Resource person ah an sawm mi hna cu Salai Ngai Sak le Dr Cung Lian Hup hna an si. President Salai Ngai Sak hi Kawlram phunghram a theitu a si caah ningcang tlai tein rian t’uan khawh nak ding caah sawm mi a si.hi Mission Conference hi Chin miphun hna nih mission rian kan t’uan nak ah hmual a ngei cem te hmanh maw tiah ruah mi a si.Salai Pa Hram
