Uico Ralhrang Pawl Nih Biakinn Cheuhra Cheukhat Tangka An Fir Piah Dih Hna

Tamu Peng ah Ralkap nih Cheuhra-Cheukhat Tangka an Lakpiak Hna.Sagaing ramtthen, Tamu peng, Chaung Nat Gyi khua ah nihin zinglei ah ralkap pawl nih inn khat hnu inn khat in an lut i Khrihfa hna innchung i Cheuhra-Cheukhat chiah ding tangka an lakpiak hna.

 

Relchap: Kan hnu February 24 zaan ah Hakha, Dawrthar sang ah ralkap nih an rak tlaihmi Ko Htein Lin Naing cu nizan ah a nunnak a liam, taih thawng kan theih.Ko Htein Lin Naing le a hawipa cu February 24 zaan ah thlalangawng in ralkap pawl a zoh hna ruang ah an rak tlaih hna.

 

 

Ralkap nih an taw ah fung in voi 3 veve an tuk hna i, February 29 ah an thlah tthan hna.Ralkap nih an thlah hna hnu ni khat a rauh ah Ko Htein Lin Naing cu pum dam loin a um i sizung ah aa piah. Sibawite nih, “Rawl ei loin na um lengmang i na pawpi a phing” tiah an ti.

 

Ko Htein Lin Naing he an tlaih vemi a hawipa nih, “A luak a luak i zinglei sml. 1:00 hrawng ah sizung ah kan kalpi. Rawl na ei bal lo caah na pawpi a phing tiah sibawite nih an ti. Cu dih cun tlawmpal kan rak ttin tthan ko. Caan karlak ah zu a ding pah lengmang i pum dam loin a um than caah sizung ah kan kalpi tthan.

 

Sibawite nih a thin phing tuk cang an ti. kan thlop manh ti lai lo an ti i, mahti cun a nunnak a liam,” tiah The Chin Journal ah a chim.A nunnak a liammi Ko Htein Lin Naing ruak cu nihin April 14, zinglei sml. 10:00 ah an vui tiah kan theih.

Credit: The Chin Journal