UK Prime Minister Boris Johnson Cu Theresa May Nak Cun Rian Tuan Khawh Dawh In A Lang Hlei Rih Lo Hih

UK prime minister Boris Johnson nih cun UK ram pumpi ithimnak cu a ran nak in ngeih si seh law a ra lai mi October 15 ah tuah si seh tiah a chim.asinain October thla chungah ithimnak ngeih dingin timhlamhnak a ngeih mi vialte hna cu UK lawmaker pawl hna nih an hnawl piak ve t’han hoi.

 

UK prime minister Boris Johnson nih UK rampi ithimnak kongah a duh nak a langhter mi hna cu UK House of Commons chungtel vialte hna nih duh le duhlo lei in vote lak nak an tuah piak tik ah prime minister Boris Johnson lei in vote 56 te lawng a tla.prime minister Boris Johnson biaduh lo lei in(a dohtu) lei in vote 298 bak a tla.

 

 

Cun, UK House of Commons hruaitu hna nih cun European Union rian t’uan nak in UK ram cu chuak lo dingin kan duh ti mi nawlpatnak an tuah mi (Brexit delay bill)ti mi cu an cohlan piak fawn rih hna.UK prime minister Boris Johnson nih European Union rian t’uan nak in UK ram a chuahpi khawh nak hnga ding caah le a timh mi a puitlin ter khawh nak ding caah cun UK House member chungtel t’henthum ah t’hen hnih hna cu vote a ngeih aherh.

Labour Party leader Jeremy Corbyn photo.

UK ram pumpi ithimnak hi a kum 2022 lawngah khin ithimnak cu a ngewi dingmi an si.asinain Mr.Boris Johnson nih UK prime minister rian khinh a si le cangka in 2022 ithimnak an ngeih dingmi cu October 15. 2019 chungah ngeih a duh na in a hnawl piak.hi thil ruangah hin Labour Party leader Jeremy Corbyn nih cun prime minister Boris Johnson nih ningcang lo ngai in lente a kan celh hnawh tiah a chim.

Source: BBC

Author: Salai Ephraim