Caan saupi UK prime minister rian a rak t’uantu Theresa May cu a rian in a chuak cang i zahan ah khan Queen Elizabeth nih Theresa May cu Conservative Party hruaitu sinak a pek. hi rual ah hin Mr Boris Johnson cu UK prime minister sinnak cu pek a si cang.cun, Mr Boris Johnson UK prime minister sinak rian khinh a si bak in Mr Boris Johnson nih cun UK cabinet minister rian a t’uantu ding hna thim nak tuah cawlh ding a si lai tiah thawnhthanh nak a tuah cawlh.
Mr Boris Johnson nih cun,Theresa May hnu zultu cabinet minister pawl hna cu Theresa May sin ah rian t’uanpi dingin a pek t’han hna.asinain Theresa May nih UK prime minister sinak in a chuah hlan le a chuah ni ah hin cu hlan i cabinet minister rian t’uantu cheu hnih ah cheu khat hna cu an rian in an chuak ruangah a cheu chum te lawng an tang cang tiah an chim.
Prime Minister Thar Boris Johnson zong hi European Union chung tel sinak in Britain ram cu chuak dingin a dir pengtu a si ve.cun, Mr Boris Johnson nih cun Theresa May nih a rian a tlam tlinh hlan ah a kal tak mi European Union chung tel sinak in Britain ram chuah khawh nak ding cu peh zulh ding a si caah lamdang in rian kan t’uan t’han lai tiah a chim.
Cun, EU ram he withdrawal agreement kan siam khawh lo zongah October 31 tiang ah khin cun zei bantuk thil hmanh cang sehlaw European Union chung tel sinak in Britain ram cu kan chuak hrimhrim lai tiah a chim.asinain Prime Minister Thar Boris Johnson nih a timh mi hna cu Parliamnet nih zei tin dah bia an chim ve te hnga? ti cu a fiang rih lo.
Source: BBC