Iran cozah nih cun US cozah nih ramdang mi he rian t’uanti in nuclear hriamnam ser cu a duh lo a si ah cun kum 2015 lio ah nuclear deal kan rak tuani mi ram vialte hna cu nuclear deal kongah biachahnak kan rak tuah cang ko na in cu biachahnak kan rak tuah mi cu ka rawh t’han lai i kei mah lawng nih nuclear cu ka ser lai tiah a chim.
Cu tik ah UK ram le Germany ram hna nih cun Iran ram cu kum 2015 lio ah felfai tein nuclear deal kan rak tuah mi cu na rawh awk thil a si lai lo tiah an chimh.Iran cozah nih nuclear hriamnam kongah mah bantuk bia a chim hi Iran cozah nih nai te i nuclear hriamnam ser set dingin a herh mi thilri a neih dih hnu lawng in a chim mi bia a si.Iran nih mah bantuk bia a chim mi cu UK ram le Germany ram nih nternational politic rawh a tim tiah an chim.
Cun, cu hlan ah cun American president Trump nih Iran cozah he an i pehtleihnak a rawh dih pin ah Iran cozah rian t’uan ning a doh cuahmah bu hmanh ah Iran nuclear deal cu ka ser siam peng lai i ka veng peng lai a rak ti mi a si.Cun a tu tiangin Iran he nuclear deal a rak tuah i cu nuclear deal a rawk duh lo mi ram hna cu Germany, France, Britain, China, Russia ram hna hi an si.
Mah ram pawl hna nih hin Iran cu nuclear hriamnam a ser khawh nak dingah a thli in rian an bawmh chanh peng ko rih.cun German Foreign Minister Heiko Maas nih cun Iran he nuclear deal felfai tein kan tuah cang mi cu Iran nih a mah ruahnak lawng hmangin i let in zei tik hmanh ah a rawk kho lai lo,rawk hmanh sehlaw zei tik hmanh ah kan cohlang lai lo tiah a chim.
Ref: AFP
