United Nations Commissioner for Human Rights nih cun Venezuela ram buainak konghe pehtlai in Venezuela cozah nih a ram chungmi thong a thlak mi vialte hna cu a rauh hlan ah chuah dih dingin nawl a pek ve cang.cun United Nations Commissioner for Human Rights hruaitu Michelle Bachelet nih a chim ningah cun a cozah nih an tleihmi hna le thong a thlakmi hna a chuah hna lo a si ah cun a ram nih a tuar cang lai tiah an chim.
Venezuala ram President Nicolas Maduro nih hin United Nations Commissioner for Human Rights hruaitu pawl hna cu a mah ram chungah ton biaruah nak neih pi dingah a sawm hna i nithum chung bak biaruahnak an nei.cun a tu ah a ram chung i thong a tla cuahmah mi hna pawl kongah ram dang mi hna le a mah ram chung mipi hna nih cun President Nicolas Maduro duhlo ruangah bia a chim mi paoh hna cu President Nicolas Maduro nih thongah a chiah hna ruangah a si tiah an chim.
Cun, United Nations Commissioner for Human Rights nih cun Venezuala ram biaceihtu hna sin ah President Nicolas Maduro buainak konghe pehtlai in thong thlakmi vialte hna cu an dih lak in chuah dih dingah nawlpatnak a tuah pin ah an mah mipum bak in Venezuala thonginn chungah cun an va lut i thongtla mi pawl hna cu zei ruangah dah thong nan tlak tiah biahalnak an tuah hna i,an sining zong felfai tein dothlatnak an tuah fawn tiah an chim.
President Nicolas Maduro ruangah thong a tlami hna hi an dihlak in minung 715 renglo an si tiah an chim.cun mah hna pawl cu thonginn in an chuah hnu ah thong an tlak nak konghe pehtlai in mipi hna sin ah fianternak zong tuah chih dingin thongtla pawl hna sin ah cun an chimh hna tiah an chim.cun a tu ah President Nicolas Maduro cozah nih ram dang bawmhnak a cohlan dihlo i a tu ning te a sining in an um peng a si ah cun minung 1 million tluk nih harsatnak an tong lai tiah an chim.
Source: BBC
