UN ambassador Majid Takht-Ravanchi nih cun Iran nih a mah ram le a miphun humhimnak ding caah Atomic bomb le Nuclear hriamnam ser a timh mi kongah Iran nih zei phunghram hmanh a buar mi a um lo.American nih Iran ram a hrem nak konghe pehtlai in Europe ram nih phungning tein Iran nuclear deal a rak tuahpi mi hna a let t’han a si ah cun, phungning tein Europe nih Iran ram cu nuclecar hrimnam a sernak ding caah a herhmi chawva cu a cham t’han awk a si lai tiah a chim.
Cun,American nih Iran ram cu zei tluk hmanh in Nuclear hriamnam na ser awk a si loh tiah tirhkhonh hmanh sehlaw Iran nih cun phungning tein Nuclear hriamnam ser dingin timhtuahnak a rak neih cang caah nuclear programme cu a kalpi cuahmah ko lai.a mak awk hlei a si lo tiah a chim fawn.cu pin ah American ram nih UK ram sin ah nawlpatnak a tuah mi ruangah Iran Oil tanks tilawng a tleih piak mi hna zong hi ningcang thil a si loh.a rauh hlan ah a thlah piak hna awk a si fawn lai tiah a chim.
American nih nculear deal konghe pehtlai in Iran cungah hremnak le harsatnak a pek mi hna cu Iran nih lehrulh nak zei hmanh an rak tuah bal lo.asinain a tu hnu cun American nih Iran ram chungah a tuah ser ning paoh in Iran nih a lehrulh khawh mi hna an si cang.cun,Iran nih American ram he remdaihnak ser cu an duh mi a si ko.amah belte Iran nih international phung a buar lo mi American nih phung an buar a ti mi ruangah Iran nih US he remdaihnak tuah an duh lo mi a si tiah a chim.
Cun, Iran nih nuclear hriamnam ser a timh mi konghe pehtlai in Europeans ram hna nih biachahnak an tuahpi mi hna a ning tein an biakam nak an i tleih peng a si ah cun Iran nih fawi tein nuclear hriamnam hna cu a ser khawh cang lai.asinain Europeans ram nih Iran he biachahnak an rak tuah ning tein rian an t’uanlo asi ah cun Iran nih nuclear hriamnam sernak ding caah uranium enrichment programme a kalpi cuahmah mi han cu zei hmanhlo ah a cang kho fawn tiah an chim.
UN ambassador Majid Takht-Ravanchi nih hi bia a chim nak hi American nih Europeans ram hruaitu hna sin ah Iran ram cu nuclear hriamnam kongah pehtlaihnak tuahpi lo dingin nawlpatnak a tuah hnu in Iran he an i pehtleihnak cu chah a timh ve ruangah Europeans nih Iran he biachahnak le biakam nak an rak tuah mi a let tak hna a si ah cun,Europeans ram nih Iran cu nuclear hriamnam a ser khawh nak dingin a herhmi thilri le chawva hna cu a pek hrimhrim hna awk an si lai tiah a chim hi a si.
Source: BBC