Nai teah khan Egypt President caan saupi a rak t’uantu Mohamed Morsi cu thong a tlaknak konghe pehtlai in biaceih zungah biachim dingin chuahpi a si lo ah ruahlo pi in a tlu in a rak thi.hi konghe pehtlai in UN nih cun Egypt President Mohamed Morsi thih ning hi ruah tik ah dothlatnak tuah hrimhrim a hau.zeicahtiah Egypt President Mohamed Morsi hi cu ti bantuk in taksa ngandamlonak ngaingai a nei mi a si lo.mi pakhat khat nih ziknawh in rian a t’uanmi a lo tiah a chim.
UN human rights hruaitu hna nih cun Egypt President Mohamed Morsi thonginn a um lio i kum 6 chung bak a rak zohkhenhtu vialte hna le an mah he a pehtlai in rian t’uantu vialte hna zong kherhleinak le dothlatnak kan tuah dih lai tiah an chim.Egypt President Mohamed Morsi a thihnak biaceih zung hi Egypt ram chung khuapi a si mi Carro biaceih zungah a si.a thihnak kongah mipi nih an chim mi cu lungtur zawtnak in a thimi a si tiah an rak chim.
UN human rights biachimtu Rupert Colville nih cun Egypt President Mohamed Morsi thih lio ah a mah inn chungkhar hna le a mah bawmtu Sihni”lawyer” le a sibawi pawl hna, minung pakhat hmanh hmuh an si lo mi nih thinlung a fahter pin ah,zumh awk an tlak lo ti hi fiangtein a langh caah dothlatnak tuah kan i timh khun mi cu a si tiah a chim. Egypt President Mohamed Morsi thonginn a um lio ah nikhat ah sulmilam 24 a um i sulmilam 23 chung cu mi zei hmanh hmuh khawh lo dingin chiah/hremmi a si.
Cun UN human rights lawng si lo in Amnesty International leh Human Rights Watch hruaitu pawl hna zong nih Egypt President Mohamed Morsi thihnak kongah thil t’halo ziknawh rian t’uan nak cu a rawlh hrimhrim caah a rian ran nak in dothlatnak tuah awk a si tiah an chim ve.cun hi thihnak kongah a tuartu ding cu Egypt cozah an si tiah an chim.
Source: CNN
