Egypt ram konghe pehtlai in United Nations High Commissioner for Human Rights hruaitu hna nih cun hi tin thawng thanh nak a tuah,”Egypt cozah cungah a lungtling lo i an lungtlin lo nak a langhtertu hna cu Egypt cozah nih hremnak le dantatnak a pek lengmang hna awk an si ti lai lo.Egypt nih cu tibantuk in mipi cungah rian a t’uan mi cu ningcanglo thil a si”tiah an chim tik ah Egypt cozah nih cun kan in cohlan hna lo tiah fiang pat in lehnak an tuah hna tiah an chim.
Kan hnungzarh chungah khan Egypt ram mipi hna nih an Egypt president Abdel Fattah alSisi cu ziknawh eihmuar in rian a t’uan mi hna kongah zei hmanh rian a t’uan duhlo.a thei lo bantuk in a um ter caah Egypt president rian a t’uan nak in Abdel Fattah alSisi cu hnawl si seh tiah Egypt ram chung khuapi dihlak ah an duhlonak an langhter.cu tibantuk in duhlo nak a langhtertu hna mipi cungah a cozah palik le ralkap pawl hna nih sumrennak ngeilo bak in hriamnam le tear gas bak an hman cawlh i mi tampi nun nak a liam tiah an chim.
Hi konghe pehtlai in UN High Commissioner for Human Rights Michelle Bachelet nih cun Egypt president Abdel Fattah alSisi cozah nih Nuhrin covo cu zei ah an rel lo i minung nun nak cu zei taktak hmanh ah an ruat lo ti nak a si tiah sual a phawt hna.cu pin ah Egypt president Abdel Fattah alSisi cozah sin ah cun nan ram mi hna cungah ningcang lo in hriamnam hman le mithah cu na mak awk a si cang lai tiah a mah pumpak zong in nawlpatnak a tuah fawn tiah an chim.
Egypt foreign ministry nih cun Egypt cozah le mipi hna karlak thil umtu ning cu UN High Commissioner for Human Rights hruaitu hna nih ningcang lo in thawng an theih caah hi tibantuk in bia an chim mi hi a si.cucaah kan nih Egypt cozah nih cun UN High Commissioner for Human Rights thawngthanh mi cu kan cohlang kho hrimhrim hna lo.hi kong ah Egypt cozah kan palh nak a um lo tiah lehnak a tuah.cun,Egypt president Abdel Fattah alSisi zong nih a tu ah mipi hna nih sual an ka phawt mi cu ningcang lo thil a si tiah lehnak a tuah.
Source: BBC