UN General Antonio Guterres nih cun zahan ah khan mithar lak t’han nak a tuah i,hi mithar nak nak konghe pehtlai in mi zei dah kan lak lai tiah i ceihtinak an tuah lio ah,General Antonio Guterres nih cun hi mithar kan lak dingmi cu a tu lio mino chimh khawh lo mi hna tlang a tlatu ding caah le mino hna cungah a herh ningin a cawlcang ngammi an si a hau lai tiah a chim.
Cun hi mithar cu UN special representative palai rian a t’uan lai i mah thim mi paoh nih UN General Antonio Guterres sinak cu a herh ningin a chawng khotu a si lai caah UN assistant secretary-general level in nawl ngaihnak zong a neih chih lai tiah an chim.UN special representative palai rian khinh dingah minung an vun thim hna i North Africa ram chung khuapi a si mi Morocco khuami Nu Najat Maalla M’jid cu thim a si.
UN chief special representative palai rian a t’uan cuahmah lio mi hi Portugal rammi Marta Santos Pais a si.hi konghe pehtlai in UN chief office nih thawngthanhnak a chuah tik ah Portugal rammi Marta Santos Pais zong nih a mah rian chawng khotu ding minung thim le hmuh a si mi cu lungfahnak le i ngeihchiatnak zei hmanh a neilo i ka lawm tiah a chim.
Cu ruangah UN hruaitu pawl hna nih Portugal rammi Marta Santos Pais cungah an lung lomhnak zong an langhter.UN nih mithar a thim mi Morocco khuami Nu Najat Maalla M’jid nih a rian cu tleirawl/mino hna chimhhrintu le tlangtlatu a si lai tiah an chim.UN nih mino nun a chimtu hna dingah mah bantuk biachahnak a tuah mi hi a voi 1nak lawng a si rih.Mah Nu hi Paediatric Department hruaitu cem a si pin ah sibawi doctor sang taktak mi a si.
Source: cnn