Kan theih bantuk in a luancia Easter Sunday lio i Sri Lanka ah nun nak thap bomb puahnak ruangah khan a tu tiang Sri Lanka mipi le Muslim hna karlak ah i tuk/doh nak a chuah peng i Muslim a huatu hna nih Muslim pawl hna Inn le dawr zei maw zat hna cu an t’heh piak dih cang hna.hi thil konghe pehtlai in UN nih felfei tein dothlatnak a tuah tik ah Sri Lanka ram i a cangmi thil ruangah hin vawlei cung Khrihfa le Muslim biaknak karlak ah i huat nak le i doh nak a chuak kho mi dirhmun a phan cang tiah an chim.
UN nih cun Sri Lanka cozah le mipi hna Muslim a dohtu hna sin ah cun Muslim nan huatnak le nan doh hna nak hi a ran nak in nan mak awk a si tiah a chimh hna.cu hnu cun Sri Lanka cozah biaphuangtu Sumith Atapattu nih cun nih kan ram chungah Muslim le mipi karlak i huatnak le i tuk/den nak hna cu a cozah nih dai tein a tuah khawh cang i buaibainak thawngpang kan thei hraw ti lo tiah a chim.
Asina in Sri Lanka ralvengtu palik pawl hna nih cun Colombo khuapi le a veelchum hrawng ah cun mi zei hmanh chuakvak lo dingah zei maw can cu (curfew) peng a hau lai,zeicatiah Muslim a huatu hna hi an mah Buddhist biaknak chung hmanh in minung tamtuk kham khawh lo dingmi an um cang tiah a chim.Muslim a dohtu hna hi a tam u hna cu Sinhalese Buddhists pawl an si i a group in an i t’hen hna i group pakhat ah minung 200 renglo an si hna tiah an chim.
Sri Lanka ram chung um mi Muslim sumdawng pakhat nih BBC sin ah a chim ningcun cu Sri Lanka ram chung um mi Muslim pawl hna cu Sri Lanka cozah le Sinhalese Buddhists pawl hna ruangah zaangfak taktak in an um,thing phang taktak bu in an duh herh thil zong zei hmanh i cawk ngam lo in Inn chungah an i erh ko tiah a chim.
Source: BBC
