UN Palai U Kyaw Moe Tun That Dingin An Fial Mi Pa Nih Ralhrangbu Sining A Phuan Dih

Kawlram UN Palai Thah An Timh.Kawlram aiawh in UN palai a tuan liomi U Kyaw Moe Tun cu phu pakhat khat nih phaisa phalh in thah dingah US ah a rak tlawng i, asylum a sawk liomi Kawlpa an fial chin.Thah an fialmi pa nih cun U Kyaw Moe Tun cu pehtlaihnak a tuah i, thah an fialnak kong vialte a phuan dih ve.

Mah ruangah U Kyaw Moe Tun nih US palek pawl a chimh hna i palek nih a himnak caah felfai deh in tuanvo an laak colh ti a si. U Kyaw Moe Tun cu mipi lei ah ttang in ralkap cozah a do i, CDM a lutmi a si caah SAC ralhrang pawl nih a nung in siseh, a thi in siseh tlaih le thah an duhmi a si. Cucaah tutan thah a fialtu hna zong hi SAC ralhrang an si hrimhrim lai tiah zumh a si.Credit:Salai Lairamthang

 

 

Relchap: Ralhrang He Hmunkhat Hmainor Ti “Wah” Amyotha Party Nih An Duh Lo Nawlngeihnak hramhram in a la tu rallokap he ruahnak i hrawmnak caah USDP party nih hruaimi cathanh nak ah lutlai a si mi U Sine Paung Naut nih amah ruahnak lawng in min a thut nak cu kan co hlang lo tiah “Wah” amyotha party nih nihin ah an thanh.

Rallokap kut taang tuah ding mi thimnak cu kan co hlang lo i kan duh lo tiah “Wah” amyotha party Center nih an langhter.Rallokap kut tang ah tuahmi mi thimnak cu kan cohlan a ti i August 4 ah party 28 i thawngthanhnak ah minthut nak caah Central committee a tel mi hna sin ah hlankaanh in ruahnak hal hmasa lo in amah duh nak lawng in a tuah mi asi caah party chung ah mipi zumhngam nak zong a hnorsuam tiah “Wah” amyotha Party nih a thanh.

“Wah” amyotha party, chaklei ruanvo la tu U Sine Naut nih ” Mipi hna i an duhnak kan ram that nak cu zoh in thimnak an hrawh mi cu tha ka pe lo i, atu party i an thanh mi zong hi ka co hlang lo, i tel ve ding zong in kaa tim lo, pehtlaih nak zong ka ngei lo tiah Irrawaddy ah a chim.USDP Party hruainak in thawng an thanh mi cu Central Committee hna le, party a dir nak le a ralkalh caah amah ruahnak lawng in min a thut caah a tuahsernak cu lung a tling lo tuk tiah “Wah ” party nih a chim.

USDP party hruainak in thawngthanhnak ah “Wah”amyotha party lutlai nih min a thut nak he pehtlai in “Wah” siangngakchia hna kar ah lunghrinhnak a um i mah thawngthanh mi cu kan cohlang kho lo tiah a chim.Kawlram chung ah a tha a thawng bik mi tlangcung mi hriamtlai phu pakhat a si mi “Wah” UWSA lutlai U Pauh Yu Chan nih 2020 kum mipi nih thimnak ah teinak a hmu mi NLD party sinah an lawmhpi nak kong cathanh cu 2020 November 16 ah a kuat.

Rallokap nih uknak hramhram in a lak hnu ah mipi hna cu duh poh in an kah hna nak ruang ah siangngakchia le mipi an thih nak kong le thimnak a phi chuak cungah an tuah ser nak cu kan co hlang kho lo tiah a chim.” Wah ” amyotha party ah a luancia 2020 thimnak ah khan aiawh tu minung 20 an i zuam i minung 3 nih teinak an hmuh.

Credit: the Irrawaddy