Venezuala ram buainak ruangah UN nih a chim ningah cun Venezuala ram a buai in a tu tiangah hin Venezuala ram mi minung 4 million tluk hna nih cun lungfak taktak bu in an ram cu an chuak tak cang tiah a chim.cun Venezuala ram uk nak a t’hat lo ruangah an ram chungah harsatnak le tukden nak tampi a chuak i minung 4 million hna nih an mah duh thimnak tein an ram an chuah tak mi hi a si tiah a chim.
Cun UN nih Venezuala ram mi konghe pehtlai in mah bantuk bia a chim mi hi kum 2015 lio in kum 2019 karlak kong an chim.cun hi kum karlak chungah hin kum 2018 December thla tluk in Venezuala ram mi an pam le an vah veih a um rihlo.December thla lio ah khan cun thlakhat chung lawng bak ah Venezuala ram mi minung 1 million tluk nih an ram an chuah tak tiah a chim.
Cun Venezuala ram chung thil cang mi kongah Latin America nih cun Venezuala ram chungah a um cuahmah mi mipi hna cu ramdang mi hna nih an bawmhchanh hna lo i a tu bantuk in caan sau an um t’han a si ah cun mipi tampi ei-din awk neilo in an ram chungah kut dok rian t’uan in a vakvai dingmi tampi an um rih tiah an chim.
Venezuala ram kongah UN refugee agency le International Organization for Migration hruaitu pawl hna nih cun Venezuala cozah kongah i bawm in thawngzamhnak an tuah mi ah cun Venezuala ram buainak ruangah a tu bantuk in an ram mipi hna nih an inn lo le hmunhma a chuah tak mi hna hi vawlei cung ram dihlak hna lak ah mi zei ram hmanh an um bal lo i Venezuala ram lawnglawng hi a si rih tiah an chim.
Source: CNN