United Nations Higher Commission of Refugees UNHCR nih a chim ning le a langhter ningah cun kum 2019 kum hramthok in a tu tiangah ralzam sinak in an mah ram le hmunhma um awk a t’halo ah American ram chungah a rak lut mi hna hi ram tampi an si ko.a mah belte ralzam an sinak le ralzam dirhmun in American ram a rak panhtu hna mi tampi cu ramri ah kham le kirter mi tampi an um tiah a chim.
Cun, American ram a rak fuhtu hna lak ah a cozah nih ralzam an sinak fian tein a theih mi hna le a ram chungah a rak luhter mi hna hi Libya ram in a rak ra mi hna an tam cem.kum hramthok in a tu tiangah minung 1,350 renglo America ram chungah luhter le i dornak hmun hma pek an si cang tiah a chim. Libya ram in a ra mi hna ralzam pawl hna hi an mah Libya ram mi lawng an si lo hmun dangdang in ralzam a rak ra mi hna zong an i cawh chih tiah an chim fawn.
UNHCR nih twitter in a chim langh ningah cun nizan tiangah khan Libya ram cu minung 31 bak nih an chuah tak t’han i,cu minung 31 hna cu khua zei lei dah an pangh lai tiah theih khawh a si rih lo tiah a chim. Libya ram a chuak tak mi hna nih hin an mah pumpak(nunnak) humhim nak ding caah hmun him nak a kawl mi an si.ralzam dir hmun an sinak zoh tik ah lih le hrokhrawl a tel lo mi ralzam an si tiah an chim fawn.
Libya ram ah hin tualchung buaibainak a chuak peng ve i, an mah le an mah i thah nawn nak le i hliam khuai nak lawngte a chuak.cu tik ah Libya ram mipi hna nih cun an mah pumpak humhim nak ding caah a lam kip in an cawl cang i tilawng in Mediterranean an vun tan khawh bak in a cheu chum hna cu American ram lei si lo in Europe ram lei ah a kal mi zong tampi an um fawn tiah UNHCR nih a chim.
Source: CNN