Upadate: Iran President Hassan Rouhani Nih Persian Gulf Cu Mizei Hmanh Nih Pallo Dingin Para A Kham Ngamko

Iran president Hassan Rouhani nih cun mi zei hmanh nih Persian Gulf ramkulh cu an pal awk a si lai lo.cun,Persian Gulf ram a pal mi hna cu mi zei an si hmanh ah Iran nih an cungah veel kan ngei lai lo.cucaah mi zei hmanh nih Para kan kham mi cu an sah awk a si lai lo tiah a hrocer t’han.Persian Gulf ramkulh cu mi zei hmanh pal khawh lo ding in le Persian Gulf ram a hum khawh nak hnga ding caah Iran nih biatak tein a ven him cang lai tiah a chim.

Hi konghe pehtlai in America nih cun zei ah a rel lo i Persian Gulf ramkulh chungah ka cozah ralkap tampi ka chiah cang hna tiah a chim.America nih Persian Gulf ramkulh chungah a cozah ralkap a chiah hmaisa hna i America cozah ralkap an phanh tlawmpal bak ah Iran president Hassan Rouhani nih hi tibantuk in bia a chim hi a si tiah an chim.

Iran president Hassan Rouhani nih cun Persian Gulf ramkulh chungah a um mi hna miphun dang (ramdang) mi hna nih cun buaibainak le i thah nawn nak lawnglawng an chuahter caah kan mah Iran lawng nih khi hmun ah khua kan sa cang lai.cu hnu lawngah Persian Gulf ramkulh chungah remdaihnak a um kho lai tiah a chim.

1980-1988 Iran, Iraq war anniversary photo.

Saudi Arabia oil facility hmun pahnih drone le Missile hriamnam in kah a si hnu ah khan America nih cun Persian Gulf ah a cozah ralkap a kalter hna hi a si.cu pin ah Saudi Arabia oil facility hmun pahnih a kaptu ah Iran sual a phawt hna.Iran president Hassan Rouhani nih cun 1980-1988 Iran, Iraq war anniversary an tuah nak hmun ah a chim mi cu Persian Gulf ramkulh cu Iran lawnglawng nih hmun a lak cang lai midang a ho hmanh an um awk a si ti lai lo tiah a chim.

Source:BBC

Author: Salai Ephraim