Upat Peknak Caah Kawlram Hero Vialte Hna Zuklem Tar Cu A Sual Taktak Maw?

Atu lio kawlram ah chungah a hung lar ngaingai mi cu Gen.Aung San zuk lem tarnak kongah a si.Gen.Aung San zuk lem tar a duhlo mi Biaknak lei hruaitu hna le politics rian t’uantu hna nih an duhlo nak konghe pehtlai in chirhchan t’ha t’ha tampi an hun langhter cio tik ah thih ngamh taktak in bia an chim rel cio.Biaknaklei hruaitu hna nih cu bantuk in Gen.Aung San zumlen tar cu kan biaknak he a kalh mi a si tiah an chim.Politics lei in le kawlpa zuklem cu zei ruangah dah kan tar lai?kan mah Miphun zuklem tar awk pei a um ve ko cu tiah an chim.

 

Cun,mipi cheu khat hna nih cun kawl pawl hna nih kan mah Chin ramkulh chungah mah bantuk zuklem tar an timh mi cu kan biaknak hi hrawh piak an kan timh biatu a si tiah an rak chim rel ve.a zei a va si hmanh ah Chin ramkulh chung thil sining zoh ta hna usih law.Falam ah Pu Con Bik, Pu Siah Luai le Pi Hlawn Kip Thluai hna upat pek nak ah an zuklem cu chiah nak hmun a si.Gen.Aung San zuk lem tar kha milem biaknak he kan tahchun ah cun hi thil kan tuah mi hi teh milem biak cu kan si ne hnga lo maw?

Asinain Falam ah Pu Con Bik, Pu Siah Luai le Pi Hlawn Kip Thluai hna upat pek nak ah zuklem kan chiah mi hna cu milem kan bia cu a si hrimhrim lo.zei catiah cu milem hna cu Pathian kan biak ning bantuk in biak awk ah kan i chiah mi hna an si lo.cucu mipi nih kan i fiang tuk mi le kan theih tuk mi a si ko.Kawlram mi ralt’ha pawl hna an zumlem tar cu kawl idea zong a si hlei lo.Western ram le Khristian ram tampi chung kan zoh a si ah cun kawlram mi ralt’ha pawl hna lem cu t’ha taktak in ser i i chiah ding lehlam kan si deuh.

 

Chinram chungah Gen.Aung San zuk lem tar cu kan biaknak a tlautertu ding zong a si hlei lo i milem kan biak lai ti nak zong a si fawn lo.Moses nih a miphun hna kha Nelrawn in a hruai lio hna ah khan milem ser in a mipi hna nih an rak biak.si hmanh sehlaw Bible nih Moses kong a chim mi,milem biak nak le a tu lio kawlram thil sining hi a khat hrimhrim lo ti hi kan i fian ngai awk cu a si.a mah belte kawl nih milem an tar lai i cu milem cu nan biak lai tiah khin hei kan ti hna sehlaw kan doh awk cu a si ko tiah ka ruah.asinain a tu tan thil tuah an timh mi kongah mipi nih kan doh awk le kan buai tuk awk a um rua lo tiah ka tuah.kawl nih hi thil tuah an timh nak a suilam tu kan i fian lo biatu a si deuh.

Credit: Van Tuah Piang

Author: Salai Ephraim