U Thura U Shwe Mann nih a dirhmi Union Betterment Party (UBP) hna nih cun a ra lai mi 2020 Rampi ithimnak ah hmun 300 ah teinak kan hmuh khawhnak dingin timhlamhnak kan ngei cuahmah.cun hmun 300 ah teinak kan hmuh khawh a si ah cun fawi tein UBP party nih a cozah zong kan dirh khawh nak hnga ding tiangin timhlamhnak zong kan ngei cuahmah tiah UPB party hruaitu Thura U Shwe Mann nih a chim.
Cun, 2020 ithimnak caah kan nih Union Betterment Party hna nih cun a lamkip in timhlamh nak kan ngei cang i hmun 300 ah teinak kan hmuh bak in a cozah ser khawh nak ding le a niam bik mi timhlamhnak le a sangbik mi timhlamhnak zong kan ngei fawn.a mah belte Union Betterment Party hna nih timhlamhnak kan ngeih mi vialte hna cu mipi kut ah a hngat mi a si.
Zeicatiah Union Betterment Party hna nih zei tluk hmanh in tei nak kan hmuh khawh nak ding caah timhlamhnak ngeih hmang usihlaw mipi nih an duhlo a si caah cun zei hmanhlo bantuk men kan si lai.cun, tei nak hmuh hnu zongah a cozah ser khawh nak ding caan t’ha ngei hmanh usihlaw mipi biachahnak lo cun zei hmanh kan ser kho hlei lai lo. cucaah mipi biachahnak hi a biapi taktak mi a si tiah a chim fawn.a mah belte Union Betterment Party (UBP) hna hi kum 2020 ithimnak ah an itel lai tiah mipi nih theih mi hna an si lo.
Thura U Shwe Mann nih a chim rih mi cu,”Tlangcung party hruaitu hna he zong biaceih t’i nak le lungduh biaruahnak zong kan ngei i,a bik in Tlangcung party hna nih teinak an hmuh khawh nak hnga ding hi a si.Cun, Tlangcung party hna nih teinak an hmuh khawh lo ding a si ah cun kan mah Union Betterment Party nih teinak an hmuh khawh nak dingin kan tawlrel lai”tiah a chim.a mah belte Tlangcung party hna nih teinak a hmu kho ding dir hmun an si ah cun an herh mitu kan bawmh hna lai tiah a chim.
Union Betterment Party hi kum 2010 ithimnak ah khan Yizatirih pengtlang chungah ningcang tein teinak a rak hmutu hna an si.asinain 2015 ithimnak ah khan an rak sung t’han.Cun, 2019 February 5 ah khan Kawlram pi nih theihpi mi party an si khawh nak ding caah minthutnak an rak tuah ve tik ah April 4 ah khan Union Election Commission hna nih an party cu theihpi mi party sinak an rak pek hna.cu hnu in party puitling an sinak hi thla 6 lawng a si rih.
Credit: chindwinpost
