AA hriam tlai pawl hna nih kawl cozah ralkap an doh hna chungah kawl cozah nih fawi tein a doh ngam hna lo ti usih law kan palh tuk lem lai lo dah.a kawl cozah nak hmanh in rian an t’uan kho deuh i thluak zong an ngei deuh.india cozah nih a hman mi hna an t’hohhlanzi pawl hna nih report an pek nak ah an chim t’han mi cu AA hriam tlai pawl hna nih kawl cozah ralkap cu t’hangthar fimthiamnak Bluetooth le Wifi technology hmangin bomb puah dih an timh t’han hna tiah Mumbai TNA news ah an chim.
AA hriam tlai pawl hna hi a tu ah Mizoram Lawngtlai District chungah bu an khuar i Kaladan tiva hman thiam i India le Kawlram pehtleihnak ding caah biatak tein rian t’uan zong an i tim tiah an chim fawn.Kaladan tiva hi India cozah nih South East Asia lampi ah ser a timh cuahmah nak hmun a si.Curuangah AA pawl hna nih India ram chungah Mizoram Lawngtlai District chungah bu an khuar nak hi a si tiah India t’hohhlanzi pawl hna nih an chim.
Cun,AA hriam tlai pawl hna nih a tu bantuk in an itimh mi biathli hi kawl ralkap nih an tei hna lai tiah zumh awk a har ngaingai pin ah India t’hohhlanzi pawl hna chim ning bantuk in AA nih kawl ralkap a tuk a si ah cun AA pawl hna hi Kawl ralkap nih a tei hna lai tiah zumh awk a tlawm te tiah an chim.Zee news agency nih a chim ningah cun AA nih kawl cozah ralkap tuk a timh mi hna cu a kawl cozah zong nih an theih ve caah Bluetooth le Wifi technology hriamnam hmangin kah an timh ve hna tiah a chim.
AA hriam tlai pawl hna hi India cozah ralkap nih Feb thla thok in a rak kah ve hna na in Kaladan tiva hrawngah a um mi AA pawl hna cu voi khat hmanh a tawng rih hna lo.Paletwa hleidonghnak ding thilri a phurtu tilawng cu kan hnung thla ah khan AA nih an rak kah piak hna pin ah a tilawng rian t’uantu pawl hna zong an rak tleih dih hna.asinain tilawng rian t’uantu an tleih mi hna cu an thlah dih t’han hna.AA hriam tlai pawl hna nih kawl cozah doh an timh ning cu a kawl cozah zong nih biatak tein a doh ve hna a hauh lai caah cu hlan i kahdohnak nak hmanh in a buaideuh te lai tiah nak a si.
Credit: VOA
