Update: British Prime Minister Theresa May Cu Lungzur Buin A Rian Chawn A Si Cang Lai

British Prime Minister le Con¬≠servative Party hruaitu a si cuahmah mi Theresa May nih cun a biakam nak bantuk in rian a puitlinh lo caah British Prime Minister rian cu ka chuahtak cang lai ti a chim hnu ah UK Conservative party MP pawl hna nih cun tuchun ah 1:00 UK time ah Theresa May rian chawngkho tu dingah mi zei dah a t’ha lai tiah mi an kawl.

Theresa May rian chawngtu dingah hin Con¬≠servative Party hruaitu nih cun party dangdang hruaitu hna cu House of Commons ah a ho hi dah a t’ha lai tiah an thim hna i MP dihlak ah nih secret vote thlaknak an tuah.Theresa May rian chawngtu dingah hin Candidate minung 10 an um i Candidate pakhat nih MP secret vote ah, vote 17 a hmu lo mi hna cu an tla beh cawlh lai tiah an chim.

Boris Johnson Vs Theresa May photo.

Cun MP vote thlak ningin vote a hmu tam cem mi hna minung pahnih cu thim an si lai i,cun pahnih hna cu MP nih vote an thlak t’han lai.cun pahnih ah cun pakhat paoh cu thim le Theresa May rian chawngtu dingah riankhinh an si lai. Theresa May rian chawngtu ding hi July 22 hlan ah hmuh khawh le riankhinh an si lai tiah an chim.

British Prime Minister Theresa May photo.

Theresa May rian chawngtu dingah hin Mipi hna nih cun British foreign secretary rian caan saupi a rak t’uantu Boris Johnson hi an duh i a tlin zong an zumh fawn.cun Boris Johnson nih cun Theresa May rian chawngtu dingah ka tlin a si ah cun October thla hlan ah Britain ram cu European Union rian t’uan nak in ka chuahpi cawlh hna lai tiah a chim.

Source: BBC