CNLD Chin party nih zei tik hmanh ah NLD a doh lo.cun, CNLD party nih ralkap zong a komh fawn hna lo. NLD party hi mipi chin miphun dihlak zong nih vote pe hmanh hna usih law an mah lawng nih kum 2008 lio i kawl cozah ralkap nih an rak ser mi phunghram pi cu a remh kho hlei lai lo.zeiruang ah tiah cun kum 2008 phunghram an remh khawh nak ding caah cun 75+ an herh rih.
Cun, ithimnak i Union MP 58% a hmutu NLD nih kum 2020 ithim nak ah hin 75% zong hmu hmanh sehlaw an mah lawng nih cun 2008 phunghram pi an ser/remh kho hlei lai lo.NLD nih hi phunghram a remh khawh nak ding caah cun 25% a ngeitu kawl ralkap bawmhnak a hmuh hrimhrim a hau lai.hi thil hi Chim miphun le mipi hna nih kan i fiang khawh lo mi cu a si.
Cun, mipi nih kan theih awk cu zei tik hmanh ah CNLD Chin party nih NLD party hi a doh lo i, kawl ralkap zong a komh fawn hna lo.kan rak chim peng mi cu kawl ralkap hna cu kawl miphun hna ca lawngah an t’ha.cu ve bantuk in CNLD chin party hna cu Chinram le chin miphun hna caah an t’ha. Sahan party cu an mah Shane miphun hna caah an t’ha ti hi kan i fian awk a si.
Chin miphun vialte hna nih CNLD chin party vote an pek dih ruangah chin miphun nih a sungh nak ding zei thil hmanh a um loh ti hi ka chim duh cem mi cu a si tiah Pu No Than Kap nih Comment nak ah a langhter mi a si.
Credit: Chinfuture
