Update! Iran Nih Israel Hi Ruahlo Ah A Kah Sual Lai Phan A Um Taktak Ko Hih

American cozah ralkap Iran Major General Qasem Soleimani an thah khawh nak a ruang hi zeidang si lo in Israel ram nih Qasem Soleimani cawlcangh ning cu a thli in an rak ngiatthli peng ruangah Israel lamhmuhsak nak in American cozah ralkap nih an thah khawh nak hi a si.Cucaah Jewish state chung paoh paoh cu Qasem Soleimani thih nak ruangah i pehtleihnak an ngeih dih tiah NBC News nih tuzing ah report a pek t’han rih.

Hi konghe pehtlai in intelligence news nih fianternak a rak tuah mi cu,”American nih Iran Major General Qasem Soleimani a thah nak a ruang hi zeidang thil tampi lak ah Iran nih Iraq ram chungum US ralkap hmun pahnih ningcang lo in a kah ruangah US nih lehrulhnak a tuah mi a si”tiah a rak chim cang.Cu hnu ah President Trump zong nih Iran ram lawng si lo in American ram mi/thil a tongtu paoh cu kan zoh sawhsawh hna lai lo tiah a rak chim bal cang fawn.

Cun intelligence nih thawngpangthar a don mi cu,” Iran Major General Qasem Soleimani thah a si hlan deu ah khan General Qasem Soleimani cu Syria airport ah hmuh a si,cu hnu tlawmpal ah Damascus khua ah a kal t’han hnu ah Baghdad ah kal in zei zei dek tuah a timh ruangah Baghdad hmun a um cuahmah lio ah US ralkap nih an thah hi a si.cu nih a fianter mi cu Iran Major General Qasem Soleimani nih thil pakhat khat tuah a timh mi a um caah cucu dothlat cuahmah a si lai tiah an chim.

Israel Prime Minister Benjamin Netanyahu nih cun thil a sining le Iran Major General Qasem Soleimani thah a sinak a ruang hi fiang tein kan theih ko.cucu a rauh hlan ah tehte he chimphuan a si te lai tiah a chim.hi bia a chim mi konghe pehtlai in New York Times nih cun American President Trump nih a timh mi hna cu mi a rian t’uanpi hawi le mi zei hmanh nih theih khawh a si lo na in Israel Prime Minister Benjamin Netanyahu nih cun a theih dih tiah a chim.asinain Reuters news agency nih cun American nih Qasem Soleimani a thah khawh nak hi Syrian le Iraq nih US sin ah a thli in report an pek ruangah a si lai tiah an chim t’han ve.

Source:APF