American nih Iran ram hremnak caah UK cozah sin ah nawlpatnak a tuah ning tein UK cozah nih cun a tuah taktak tik ah,Iran cozah nih cun UK cozah sin ah nawlpatnak a tuah.asinain UK cozah nih Iran ta a si mi oil tanks tilawng a tleih piak mi hna cu thlah piak a tim bak ve hna lo.Iran tilawng kan tleih mi hna hi ningcanglo in an um kal ruangah le phung an buar ruangah kan tleihmi hna an si tiah an chim.
Iran nih cun UK nih kan tilawng oil tanks na tleih mi/hren mi hna na chuah lo a si ah cun kan nih zong nih kan duh paoh in UK oil tanks tilawng pawl hna cu kan tleih hna lai.cun,nan tilawng kan tleih tik ah UK nih zei hmanh na chim awk a si lai lo,zeicahtiah cun Iran tilawng oil tanks na tleih mi hna kongah zei hmanh Iran sin ah thawngthanh nak le theihternak nan tuah miz ei hmanh an um lo tiah Iran cu a hrocer.
Cu hnu ah Iran nih a chim ning bantuk tein july 11.2019 ah UK oil tanks tilawng Persian Gulf lei Strait of Hormuz rili a kal cuahmah lio ah a thli in Iran Navy raltuknak tilawng nih cun va tleih dingin a zulh.cun, UK oil tanks tilawng a dawitu hna Iran Navy raltuknak tilawng Iran’s Revolutionary Guard Corps pa 5 bak an si.UK oil tanks nih an ka zulh dawi ti a theih tik ah a lang hlat in biaral in a doh hmasa hna i Iran nih a rak dawi ngam ti hna lo tiah an chim.
UK oil tanks (British Heritage) nih a chim ningah cun a tutan i Iran’s Revolutionary Guard Corps Navy tilawng pa 5 nih an kan dawi lio ah hin kan mah lei in cun kan i kap bak cang lai tiah kan i ruah cang.asinain biaral kan doh hmasa caah kan i ruahlo ningin Iran Navy tilawng pawl hna cu hnulei an kir t’han caah dam tein Fujairah tiang kan phan kho t’han tiah an chim.
Source: BBC