Iranian President Hassan Rouhani nih cun nuclear program kongah Iran cozah nih zei tik hmanh ah hnu kan tawlh lai lo tiah a chim.cun Iran cozah nih rian a t’uan cuahmah mi nuclear program kongah hnu tawlh nak cha cun ral thawh hmanh ka fawih deuh caah Iran ram chung khuapi ah a um cuahmah mi Iran mipi hna cu ralring tein nan um awk a si cang tiah ka chim cang tiah Tajikistan khuapi chung i international conference ton biaruahnak an tuah nak ah a chim.
Official Mehr news agency nih a chim ningah cun Iran nih nuclear program kongah hnu tawlh aa tim lo i nuclear program mak nak cha cun vawlei pi rawhter le ralpi thawhter kha a fawih deuh cang tiah an chim.cun US cozah nih a tu bantuk in Iran cozah cungah a lungput ning aa thlen lo i a tu ning tein Iran cozah cungah rian t’uan chih peng a timh a si ah cun US nih a hmuh awk a si mithil hna cu Iran nih leh dingah timhcia tein hngah an si ko tiah a chim fawn.
Cun President Hassan Rouhani nih cun Iran nih nuclear program a tuahmi kongah Joint Comprehensive Plan of Action”JCPOA”hruaitu hna zong nih sual nan ka phaw kho lai lo.zeicahtiah cun Iran nih hi thil kan tuah mi cu kum 2015 lio in hma kan rak lak cangmi le kan mah ram dirhmun tein ram t’hanchonak caah kan tuah mi a si.cu bantuk cun ram dangdang hna zong nih a ram t’hanchonak caah cun an tuah cio mi a si i,zei tik hmanh ah mak kan i timh mi a si lo tiah a chim.
Cun UN’s nuclear watchdog Iran cozah nih nuclear siam nak caah a herhmi thilri vialte hna cu kan neih dih cang i nuclear ser dingah timh cia an si cang tiah a rak chim mi cu Iran nih ser hram a thawk le thawk lo theih a si rihlo tiah reporter pawl hna nih an chim.cun US cozah nih Iran ram cungah hremnak le a tu bantuk in rian a t’uan peng a si ah cun Iran nih thil t’halo dangdang zong a tuah khawh rih tiah an chim.
Source: BBC
