Israel prime minister Benjamin Netanyahu nih cun mizei hmanh nih Iran cozah he remdaihnak tuah le hmun khat ah ton biaruahnak ngeihpi lo dingin ramdang mi vialte hna sin ah nawlpatnak a tuah pin ah a tu hi Iran ram he remdaih nak tuahpi caan a si lo.Iran ram cu nun kan chimh caan tu a si deuh tiah a chim.Israel prime minister Benjamin Netanyahu nih hin London ah Britain prime minister Boris Johnson cu a van ton taktak.
Israel prime minister Benjamin Netanyahu nih London ram ah Britain prime minister Boris Johnson tong dingin a kal laite ah hin statement pakhat a chuahta London ah kal ka timh nak a sullam cu Israel prime minister le Britain prime minister Boris Johnson nih Middle East ram chungah thil a cangmi hna le Iran ram kongah biachahnak kan ngei lai.
Cun, Iran ram he mi zei hmanh nih ton biaruahnak le i chawnhbiaknak an kan ngeih piak awk a si lai lo tiah a chim ta.Benjamin Netanyahu nih Britain prime minister Boris Johnson a ton dih bak in United States Secretary of Defence Mark Esper cu London ah a ra ve lai i an pahnih in ton biaruahnak an ngeih cawlh dingmi an si.
New York khuapi ah UN General Assembly an tuah lio ah US President Donald Trump nih cun Iran President Hassan Rouhani nih hmun khat ah ton biaruahnak ngeihpi a kan duh paoh a si ah cun timhcia kan si ko tiah a chim.Trump nih cu bantuk bia a chim dih bak ah Israel prime minister Benjamin Netanyahu nih hi tibantuk in bia a chim hi a si.
Source: BBC
