Kawlram chung i van ruahti ruangah inn a rawk mi hna hi a tu tiangah cun inn 4,000 renglo a si cang.cun, a bik in kawlram chungah a si mi Mon state chung ko hi a si.kan hnung zarh chungah Mo state ah ruahti tam tuk ruangah lei a min ciammam i minung 56 an thi cang.cu hnu zongah a tu tiang hi ruahti cak lo in a tla peng i inn lo a rawk mi zei maw zat an um t’han rih tiah theih a si.
Cun, a tu tiangah ruak hmuh khawh lo mi hna zong an um rih.Mo state chung lawng si lo in Kawlram chung hmun kip deuh ah inn lo a rak rawk mi le lei min tampi an um.asinain hi thil hi a can lio pi a si caah a teseih in zei hmanh bia fiang taktak a um kho rih lo tiah an chim.hi ti bantuk in zatlak puicimhnak an ton nak hmun hna hi a bik in Mon state, Karen state, Kachin state hna an si.
Hi konghe pehtlai in UN Office for the Coordination of Humanitarin Affairs nih an chim ningah cun Kawlram chungah tilian le leimin a chuah ruangah hin Kawlram mi 89,000 tluk hna cu um nak inn lo a ngeilo mi an si.cun, mah hna pin ah a kawl ralkap ruangah um nak inn lo ngeilo in a vakvai mi tampi an um fawn rih tiah a chim.
Mon state, Karen state, Kachin state ram mi hna um nak ngeilo in a um mi hna hi minung 25,000 tluk hnacu monastery le pagoda ah umter le rawl pek an si tiah an chim.hi hnu ah hi lio ah hin ruak kawl cuahmah mi hna le inn a rawk mi tampi an um cuahmah rih.cu zet an si tiah biafiang a um kho rih lo.
Source: mizzima
