North Korea ram hruaitu Pu Kim Jong Un nih a tuarti rua lo hih.a ruah a ruah hnu ah America president Trump cu an ram tlawng ding bak in a sawm ko cang.Kim Jong Un nih cun US president Donald Trump sin Ca a kuat i,Trump cu North Korea ram tlawng dingin a sawm tiah South Korea thawngzamhtu pawl hna nih cun an chim.
North Korea ram hruaitu Pu Kim Jong Un nih hin August thla lio khan Trump cu North Korea tlawng dingin Ca a rak kuat bal cang.hi tibantuk in North Korea ram hruaitu Pu Kim Jong Un nih Trump sin ah a mah lungtho tein Ca a kuat hi kap hnih ram uk bawi hna nih voi thum khengte bak Ca buai cung ton biaruahnak an ngei i remdaihnak an tuah khawh ti lo hnu in a voi khat nak Trump sin ah Ca a kuat t’han mi a si tiah an chim.
Trump le Kim Jong Un konghe pehtlai in Joongang Ilbo news paper nih a chim ningah cun Kim Jong Un nih a thar in Donald Trump he Ca buaicung ton biaruahnak ngeih a duh t’han caah a si tiah a chim.Kim Jong Un Ca kuat mi konghe pehtlai in White House, US State Department le North Korea mission to United Nations hruaitu hna nih cun zei kong hmanh ceih piak a si rih lo tiah an chim.
Kim Jong Un le Trump cu nikum June thla in voi thum khengte bak ton biaruahnak an tuah cang i,North Korea nih a ngeih mi hriamnam missile le nuclear programme kongah i ceih hmai t’i nak an ngei cang.asinain biachahnak an tuah mi hnu ah zei hmanh felfai tein biachahnak an tuah khawh mi le remdaihnak an tuah khawh mi a um lo.hi ruangah Kim Jong Un nih Trump sin ah Ca a kuat mi hi zei ti bantuk in dah White House nih lehnak a tuah te lai ti cu chim khawh a si lo na in,White House nih a cohlan nak in a cohlan lo hi zumh deuh a si tiah an chim.
Source: BBC