Chinram cozah nih kan khualipi Hakha ah thisen luanter hraw lo tein upadi an nunter khawh cu upadi tang ah um a duhmi Laimi kan dihlak caah thiltha tuk a si. Upadi nunter hi mizapi nih kan duh bikmi democracy muru bik cu a si ko.
Zahan thawk in ahohmanh nih Hakha ah licence um lomi vawlei or innhmun an caw ngam ti lai lo. Inn puaisa pawl nih mi an hleng kho ti lai lo. Mah hi thlennak(change)taktak cu a si.
Cozah nih nawlpek hlan ah hohmanh mah duh in thlam or inn an sa ngam ti lai lo. An sak sual ahcun fir phunkhat a si caah theh piak an si ko lai. Mah hi democracy a muru cu a si.
Hakha innhmun man a fak tuk mi kha innhmun thar an lim dih tikah cun a let in innhmun man a tla lai. Mizapi nih Hakha ah inn ngeih khawh a si cang lai.
-Innhmun thar caah lam, ti le mei tha tein tuah an timh. Town planning tha tein an suai dihmi a si caah an lim dih tikah cun Hakha a dawhter tuk te lai. Lam a tha lai caah dai tein um a duhmi tampi nih cun khua lai um nakin mah hmunthar ah hin um an duh deuh cang lai.
Cozah nih thiltha ngai a tuah ko nain cheukhat nih cun mah pumpak hlawknak le vote ngahnak ding hriamnam caah an hman. Mah bantuk minung khi cozah tuan sual hna sehlaw Laimi zeidah kan lawh hnga? Kei cu ka tih ngai. A puitlingmi hruaitu David Ngaisak lungput belte zeidawh a lawh ve hnga?
Credit: Salai Lungthli Tum