Update:Tuchun Mon State Leimin Ning Le Inn Lo A Rawh Ning Cu Ming 10 Ruak Char A Si Cang 30 Ruak Kawl Cuahmah Lio A Si

10 August 2019 chun ah kawlram chung a si mi Mon State ah van ruahti a tam ruangah vawlei a cim ciamman i a tu hi minung 10 ruak cu char a si cang na in ruak hmuh khawh rih lo mi hna,an kawl cuahmah lio mi hna hi minung 30 an si rih tiah an chim.

Cun, hi ti bantuk in vawlei a cimh nak le a leimin nak hmun hna hi Mon State,Thaton District, Mottama khua ah a si.inn lo zei maw zat vawlei nih a chilh chih i a khuhmi zong an um len rih.

 

Hi konghe pehtlai in Mudon Rescuse Association (MRA) Chairman U Mor Myint nih a chim ningah cun van ruahti a tam tuk ruangah Thaton District chung um mipi 140000 renglo hna nih cun an inn lo an chuah tak cang i,vawlei nih inn a chilh mi hna hi inn 1000 renglo a si tiah a chim.

 

 

Mon State Government a cozah nih a chim ningah cun a tu hi hmun dangdang vawlei a cimh cuahmah liopi a si caah inn lo zei zat set dah a rawk i,minung zei zat set dah a thi ti mi hi fiang tein theih khawh a si lo.a mah belte a tu tiangah ruak char mi hna cu minung 10 an si.a dang minung hna hi kawl cuahmah lio an si tiah a chim.

 

Source: Irrawady