American nih cun Turkey ram konghe pehtlai biachahnak a tuah t’han cang,”Turkey cozah nih Syria ram chungah khuasa mi hna Kurdish miphun hna cungah hriamnam t’ihnung in an kah/doh hna ruangah Turkey ministry le a cozah official senior vialte hna cu an dihlak in hrem an si lai”tiah thanhnak a tuah.hi konghe pehtlai in America vicepresident Mike Pence nih cun America Turkey cozah fficial senior hna le an ministry kongah mah bantuk nlaw a chuah lai ah hin US president Donald Trump nih Turkey president Recep Tayyip Erdogan cu phone hmangin ningcang tein a chawnh ta ko tiah a chim.
Cun,American president Donald Trump nih Turkey president Recep Tayyip Erdogan a chawnh lio ah hin Turkey le Kurdish buaibainak kongah remdaihnak ser dingin a chimh fawn tiah a chim.curuangah Trump nih cun a ran nak in Turkey ramri ah cun kal a duh fawn tiah a chim.America Treasury Secretary Steven Mnuchin nih cun Ca cawn nikhat ni ah khan Turkey ministry pahnih le an cozah official senior pathum hna cu America nih a hrem hna lai tiah Washington DC ah thanhnak a rak tuah bal cang.
Mah hna pin ah hin Turkey defence le energy ministry pawl hna zong hrem chih an si kho men.zeicatiah Turkey defence le energy ministry pawl hna cu interior minister pawl hna he i pehtleihnak an ngei tiah a chim fawn.America nih Turkey cungah mah bantuk hrem nak a pek dingmi hna hi Turkey nih America ramthil a ngeihmi vialte hna zong a huap dih lai pin ah cu hlan i Turkey nih America financial system rinhchan in transaction a tuah tawn mi vialte hna zong kham dih an si cang lai tiah a chim.
Cun,President Trump nih Turkey ram sin ah ngunkhuai a lak tawnmi cu 50% bak in lak an si cang lai tiah a chim.Turkey le America hna nih hin hmunkhat ah rian an t’uanti khawh nak dingah $tld 100 in i chawnhbiaknak an ngeih cuahmah lio a si.a mahbelte Turkey nih Kurdish a tuk/doh hna ruangah America nih Turkey cu a hnawl diam hna.America nih kan hnungzarh chungah Syria ram chungum mi a ralkap zei maw zat a rak lak lio ah khan Turkey nih cun America nih “Red Light” an kan pek tiah an i ruah cang.Curuangah US ralkap zei maw zat lak an si tlawmpal bak in Turkey nih Kurdish hruaimi Syrian Democratic Forces hna cu ramri ah a phomh cawlh hna.cu pin ah Turkey nih Syria ram chung ah meng 35 tluk cu Kurdish miphun hna doh dingin kan lut t’han lai tiah a chim.
Source: BBC
