US Biaceih Zung Nih Thawng A Thanh Mi Thawngpang Tha Tuk A Si Tampi In Share Cio Uh

US Supreme Court Nih Nau Hrawh Khap Than An Timh.Kum 1973 ah US biaceih zung sangbik, Supreme Court nih nau thah, nau thlak le nau hrawh cu a sual lo tiah phung an rak ser, legalized an rak tuah. Mah phung nih US ram pumpi in nau thah, nau hrawh le nau thlak cu a phung ah rak ser a si. Asinain tulio Supreme Court ah a tuan liomi zumtu, conservative biaceihbawi hna nih 1973 lio ah an rak sermi, phung cu a dik lomi a si, an rak i palhmi a si caah a khup thal kan leh lai tiah a hran an tial ciami ca cu  zung riantuan mi si dawh an si a thlithup in an zuhter. Lengah an phuan.

Mah an zuhter mi ca cu tuchun ah Politico news nih a phuan caah nau thah, nau thlak le nau hrawh a duhmi hna liberal le democrats pawl an thin a phawh dih hna caah Supreme Court hmai ah an va au hnawh hna. Mah ahcun Democrats senator pawl le house representative tampi le abortion a uarmi tampi zong an tel.Supreme court Chief Justice John Roberts nih mah a zutmi biathli hi a dikmi a si ko. Thil dik lo an rak tuahmi phung a si caah a khupthal kan leh a hau tiah a chim.

Mah bantuk cozah biathli a zuhter mi zong kan hlathlai lio hna a si. A phung bantuk in dantatnak kan tuah hna lai tiah a chim 1973 kum ah Supreme Court nih nau thah le nau hrawh kongah bia an rak ceih, Rove Vs Wade ti zongah zapi nih theih le hngalh a si. Mah tazacuainak ah nau thah a duhmi Jane Roe cu vote 7-2 in teinak an rak pek caah tuchun tiang US ah abortion cu legalized tuah a rak si.

Tulio Supreme Court i baiceih bawi hna nih Rove vs Wade biachahnak a khup thal an leh khawh ahcun khrihfa zumtu hna caah cun thawngpang tha taktak si lai. US khrihfa hruaitu pastor cheukhat hna zong nih an ilawmhnak Twitter le Facebook ah an tial cio hna.Liberal le Democrats caah cun thawngchia taktak a si.Thawngpang tha tuk a si caah share cio ding a si.

Cresdit: Salai Lairamthang

Author: Salai Ephraim