American cozah nih kum 2001 lio in 2018 tiang i ralhrang a doh hna nak ah a cozah ralkap minung zei zat dah a sungh cang tiah cun US cozah nih ralhrang a doh hna nak ah a hman phaisa $ 7.6 Trillion bak a hman cang tiah Department of Defense Casualty nih Report a pek.
Cun kum 2001 in 2014 tiang ah khan Afghanistan le a ram Inn pa hna yemen, Somalia, Pakistan, Uzbekistan, Tajikistan, Ethiopia, sudan, turkey Al qaeda, Taliban ram ralhrang pawl a kah hna nak ah hin UN ralkap le NATO ralkap telh lo bak in US cozah ralkap hna cu minung 2346 an thi i ralkap minung 20095 hna nih hliamhma an tuar cang tiah an chim.
Cun kum 2015 lio ah khan US cozah ralkap le NATO ralkap hna nih cun hmun khat ah Afghanistan ram ralhrang pawl cu an rak kah hna i cu lio ah cun US cozah ralkap minung 49 an rak thi i minung 268 nih hliamhma an tuar t’han.kum 2003-10 lio i misual pa Saddam Hussein an rak kawl lio ah khan US cozah nih Iraq, persian gulf, qatar, red sea , oman , saudi arabia le UAE um ralhrang pawl an rak kah hna i minung 4424 an thi i a dang minung 31956 nih hliamhma an rak tuar.
Cun kum 2014 i a tu tiang i US cozah nih ISIS ralhrang an ci hmih ding in Syria le Jordan ,Bahrain le Cyprus um mi ralhrang a kah hna nak ah minung 62 an thi i minung 62 bak nih hliamhma an tuar.US cozah nih a ralkap a sungh mi hna le hliamhma a tuar mi hna chung hin 3% tluk hna cu Nu ralkap pawl an si tiah a chim.
Credit: Liana Sailo