Vawilei ram kip nih theih mi hlasak thiam minthang Taylor Swift nih cun kum 2020 America ram ithimnak ah Donald Trump nih tei nak a hmuh khawh nak hngalo dingin a herh mi paoh ka tuah lai tiah a chim.Taylor Swift nih cun kum 2020 ithimnak ah hin cu Donald Trump nih tei nak a hmuh t’han awk hrim a si ti lo.2020 thok in cun Democrats nih America cu a pen awk a si cang tiah a chim.
Cun,Trump a tlak khawh nak ding caah zei paoh ka tuah lai tiah ka chim bantuk in Democrats nih America ram an uk khawh nak hnga dingah cun zei thil paoh ka tuah fawn lai tiah Taylor Swift nih a chim fawn.Democrats Politics cu mipi hna dam nak caah a t’ha i,Democrats nih America an uk a si ah cun ram a dam lai i mipi zong a tu nak in kan t’hangcho kho deuh lai tiah a chim.
Cucaah a ra lai mi 2020 America ithimnak ah cun Donald Trump cu a tlak hrimhrim a herh i Democrats nih teinak an hmuh hrimhrim a herh cang.Democrats nih teinak a hmuh khawh nak ding lam a um paoh ah cun Democrats caah zei thil tuah hmanh kha ka zuam lai tiah thawnglatu hna sin ah fiang taktak in Taylor Swift nih a chim phuan ngam ko.
Taylor Swift nih hi tibantuk bia a chim mi konghe pehtlai in America ram chungah thla fatin in magazine a chuaktu hna Rolling Stone pawl hna nih ton biaruahnak an ngeihpi tik ah Taylor Swift nih cun cuhlan ah cun kei hi Politics lei hi uar awk ah ka rak ruat lemlo na in a tu ah cun Politics lei hi ka thinlung dihlak in ka pek ve cang.mithang le Celebrity pawl hna nih Hillary an rak soisel ning kha ruah ah cun ningcang lo thil tampi a um i a si taktak mi thil zong a rak um ve ko tiah a chim.
Cun,a tu ah cun Democarts Candidate pawl hna nih fawi tein Donald Trump an thlak khawh nak hnga ding lam hi biatak tein kawl ka zuam lai.Democarts Candidate vialte hna nih Donald Trump an thlak khawh nak hnga ding caah cun Democarts Candidate vialte hna cu dirkamh a hau mi lawng te an si dih tiah a chim fawn.Republican kan hmuh khawh nak ding caah cun kan dih lak in kan i lungrual i Donald Trump hi kan tei a hau i cu hnu lawngah Trump cu kan tei khawh lai tiah a chim.
Source: BBC
