US: Iraq Cozah Tei An Rial Lai I Iran Cozah A Tah Chuak Chin Cang Lai

American cozah nih cun Iraq cozah cu a hrocer hnawh t’han cang,”Iraq cozah nih Iran ram thil chuak OIL cawknak dingah ni 90 chung te lawng a caan kan pek cang”tiah a chimh.ni 90 a dih hnu cun Iraq nih Iran ram chuak thilri hna cu zei taktak hmanh na cawk awk le na tawngh pi awk a si ti lai lo tiah an chim.cun Iran ram sin ah OIL a caw mi hna ram vialte hna zong a rikhiah piak an si lai i cu rikhiah piak mi tiang lawng a caan pek an si cang lai.

American cozah nih Middle East ram chung lawng vun chim lo i a cozah ralkap a chiah tam cem nak hmun cu Iraq ram hi a si.Iraq ram chungah hin a cozah ralkap lawng si lo in a ralthuam le hriamnam t’ihnung tam lak te a chiah nak hmun a si.American cozah nih Iran nuclear deal hrawh a timh piak ruangah vawlei cung chawlehnak lei tuaitam hmasa a timh cang.asinain Iraq ram hi miharsa taktak an si i nikhat chungah sulmilam 20 chung bak mei le ti neilo in an um tawn caah hi tibantuk in an cungah vel a neih piak hna hi a si tiah an chim.

Cun American cozah nih Iran nuclear deal kongah voi khat ah Iraq ram a reh a si ah cun Iraq mipi ei-din awk neilo in a thi dingmi tampi an um caah le a nemnak in a chimh hna hi a si.Iraq cozah nih hin a ram chung rian t’uan nak ding ah ti’n Iran ram ta gas le Oil hna cu nikhat ah 28 million cubic meters tluk bak Iraq power generation hrangah pipe in a lak peng tiah an chim.

Cun Iraq ram nih nikhat ah Iran electricity thazaang cu 1,300 megawatts tluk peng a hman/lak fawn.Washington nih hi tibantuk in Iraq cozah ni 90 chung caan a pek mi cu ni 90 a dih hnu ah Iraq nih nawl zulh piak in Iran ram ta thil hna cu hmang lo in a um a si ah cun Iraq mipi hna caah t’ihnung taktak mi a si kho.US cozah nih Iran hi zoh hmanh sehlaw Iran ram chung thil chuak hmanglo in a um kho lo ding ram tamtuk an um tiah an chim.

Source: BBC

Author: Salai Ephraim