American cozah Official hna nih cun Israel nih midang bantuk in t’hatlo nak tuah a duh ah cun West Bank ram vialte hna cu kei mah ta,kei mah ram a si tiah humhak nak nawl a nei tiah an chim.cun US ambassador David Friedman nih cun Palestine mi sual pawl hna nih Israel nih a hngah cuahmah mi West Bank ram chungah buaibainak an chuahter peng mi cu ningcanglo thil a si tiah a chim.
Cun,a ngaingai tiah cun Israel nih Palestine miphun hna bantuk in t’hatlonak le buaibainak cu tuah duh sehlaw West Bank ram vialte hna cu ka ta a si,ka hmun le ka ram a si tiah chim khawh nak nawl le humhak khawh nak nawl a nei tiah a chim. zeicah tiah Israel nih West Bank ram cun Paletine kut in a rak lak mi a si i hi thil kongah ningcang tein cu bantuk biachim khawh nak le humhak khawh nak nawl a neih tiah a chim fawn.
Cun US ambassador David Friedman nih West Bank ram kongah mah bantuk bia a chim ruangah cun Palestine cozah nih cun US ambassador David Friedman nih Palestine cu a huat i Israel tu a t’anh hna tiah an chim cawlh ve.cun Palestine Liberation Organization member a si mi Hanan Ashrawi nih cun Israel nih Palestine ram a si mi West Bank ram a humhak pengmi cu Israel cu mifir an si tiah namneh nak kan tuah cang tiah a chim.
West Bank ram hi 1967 lio i Six Day ralpi a rak thawh lio ah khan Israel nih Palestine cozah kut in a rak lak mi ram a si i Israel nih cu ri thawk cun a tu tiang hi West Bank ram cu a mah zohkhenhnak tangah a chiah i,Palestine nih Israel kut in lak t’han an timh i buaibainak an tuah peng mi hi a si tiah an chim.
Source: BBC
